Euskal enpresaren blog-a Zure enpresarentzat garrantzitsua den eguneroko informazioa

1 otsaila, 2018
Getxo Elika, elikadura osasuntsua bultzatzeko komunitatea

Proiektu horrek inpaktu sozial eta ekonomikoa duten ekimen berritzaileak sustatuko ditu.
Getxo Elika proiektuaren ataria.

 

Proiektu horrek inpaktu sozial eta ekonomikoa duten ekimen berritzaileak sustatuko ditu

Etorkizuneko erronka garrantzitsuenetako bat elikadura da. Aldaketa demografikoek, aurrerapen teknologikoek eta hiritarren ohitura aldaketek berekin dakartzate premia berriak, baina baita ere zerbitzu nahiz produktu berritzaileak sortzeko aukerak. Elikaduraren sektorea funtsezkoa da euskal ekonomiarentzat, hainbeste ezen RIS3 Euskadi Espezializazio Adimenduneko Estrategiaren barruan sartuta baitago aukera-esparru gisa.

 

Baina elikadura ohiturak ez dira bakarrik garapenerako aukera bat, baizik eta baita ere erronka handi bat gizartearentzat eta hezkuntzarentzat. Gaur egun, euskal gazteen erdiak baino gehiagok ez du frutarik jaten egunero, eta portzentaje hori %80rainokoa da barazkien kasuan; aldiz, azukre eta gatz kontsumoaren eguneroko batez bestekoa gomendatutakoaren bikoitza da. Elikadura desegokia dela medio, 3 haurretik batek gehiegizko pisua du, eta gutxi gorabehera biztanleen erdiak kolesterol altua du.

 

Elikadura osasuntsu eta sostengarriagoa lortzeko xedez, eta horrekin batera negozio-aukera berriak sortzeko asmoz, Getxoko Udaleko Ekonomi Sustapen Sailak eta Getxo Kirolak-ek Getxo Elika proiektua jarri dute martxan, Peñascal Kooperatibaren laguntzarekin. Ekimenaren helburua da topagune eta ezagutzen trukerako espazio izatea elikadura osasuntsuaren sektorean.

 

Proiektuaren lehen jarduera-ildoaren bidez komunitate bat sortuko da, eta ekoizleek, industriak, merkatariek, ostalaritzak eta hiritarrek osatuko dute komunitate hori. Asmoa da konexio horiek baliagarri izan daitezela ase gabeko premiak detektatzeko eta konponbide berriak garatzeko, zeintzuek biztanleriaren bizi-kalitatea hobetuko baitute, eta enplegua sortu. Horretarako, Peñascal Fundazioak Faduran duen Ostalaritza Zentroak gune bat eskainiko dio Getxo Elika proiektuari prestakuntza emateko, esperimentatzeko, eta prototipo berriak garatzeko. Espazio digital bat ere prestatuko da, elikadura osasuntsuari buruzko ezagutzak eta esperientziak partekatzeko.

 

Getxo Elika proiektua bat dator Eusko Jaurlaritzako Ekonomi Garapen eta Azpiegitura Sailak 2017ko irailean aurkeztu zuen Euskadi 2020 Gastronomia eta Elikadura Plan Estrategikoarekin. Plan horrek proposatzen du euskal elikadura eta gastronomiaren garrantzia handitzea, datozen 3 urteetan sektorea BPGaren %10,5etik %12raino haz dadin, horretarako ia 2.500 milioi euroko inbertsio publiko-pribatua egingo delarik. Estrategia horren helburu estrategikoak dira ETEei laguntzea negozioa sortzen, sostengarriago eta eraginkorrago izango diren produkzio-sistema berriak sortzea, prestakuntza-programak prestatzea elikadura osasuntsua bultzatzeko eta tokian tokiko kalitatezko produktuak sustatzea.

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?