Euskal enpresaren blog-a Zure enpresarentzat garrantzitsua den eguneroko informazioa
8 martxoa, 2013

Eusko Jaurlaritzak euskal ETEentzako negozio aukerak atzemango ditu Kolonbian eta Filipinetan

Datorren astean SPRIren bitartez elkartuko dira Bilbon Ecopetrol-eko, hots, Kolonbiako petrolioaren sektoreko enpresa liderreko zuzendaritza-karguak, Filipinetan garapen politika iraunkorrak bultzatzen dituen Garapenerako Asiako Bankuko ordezkariak eta interesaturik dauden euskal enpresariak.

Eusko Jaurlaritzako Ekonomiaren Garapen eta Lehiakortasun Sailak jardunaldi bana antolatu du martxoaren 12an eta 13an. Jardunaldi horien helburua da euskal ETEentzako negozio aukerak atzematea hazten ari diren bi ekonomia garrantzitsutan, alegia, Kolonbian eta Filipinetan. Euskal enpresarien eta herrialde horietako ordezkarien arteko bi topaketa horiek SPRIren Bilboko egoitzan izango dira, SPRIk sustatu baititu euskal enpresen nazioartekotzea bultzatzeko hartua duen etengabeko konpromisioari erantzunez.

Martxoaren 12ko jardunaldia Kolonbiar Errepublikako Petrolio eta Gaserako Fluidoak Manipulatzeko Ekipoen sektoreko negozio aukeretan zentratuko da, Kolonbia baita Latinoamerika osoan hazkunde aukera gehien dituen ekonomia gorakorretako bat.

SPRIk Fluidex izan du bidelagun topaketa hau antolatzeko lanetan. Fluidex fluidoak manipulatzeko ekipoen esportatzaileen Espainiako elkartea da eta sektoreko enpresen nazioarteko sustapenaz arduratzen da. Ekitaldian izango dira baita ere Ecopetrol-eko, hots, Kolonbiako petrolio enpresa handieneko ordezkariak. Ecopetrol munduko 40 petrolio konpainia handienetako bat da eta Latinoamerikako lau handienetako bat. Ecopetrol-ek Kolonbian ekoizten den petrolio gordinaren %60 ekoizten du, eta bereak ditu Kolonbiako bi petrolio birfindegi handienak eta Kolonbiako oleodukto eta polidukto sarearen zati gehiena. Bestalde, esplorazio eta produkzio lanak egiten ditu Brasilen, Perun eta Mexikoko Golkoan.

Ecopetrol-ek bere burua eta bere marko estrategikoa aurkezteaz gain, 2013rako dituen inbertsio, erosketa eta hornitzaileen kontratazio planak azalduko ditu. Bertaratzen diren enpresek aukera izango dute bilera indibidualak egiteko Ecopetrol-eko zuzendaritza-karguekin, bisita agenda bateratu bat prestatzeko eta beren burua hornitzaile gisa eskaintzeko.

Filipinak

Bigarren jardunaldia, martxoaren 13koa, Filipinek eskaintzen dituzten negozio aukeretan zentratuko da eta bereziki ingurumen sektorean. Hala, egoitza Manilan duen Asiako Garapen Bankuko ordezkariek parte hartuko dute ekitaldian. Asiako Garapen Bankua Asiako garapen arloko finantza eragile garrantzitsuenetako bat da.

Filipinetako Errepublikak duela gutxi industrializatutako ekonomia bat du eta une honetan merkatu gorakor handienetako bat da. Munduko 50 ekonomia handienen multzoan sartu da eta inbertsio bankak eginiko azterlan ekonomikoen arabera, garapen gaitasun handiena duten hamaika ekonomien artean dago.

Filipinetatik etorri diren enpresa eta erakundeetako ordezkariez gain, jardunaldian izango dira baita ere AVIC, Euskal Ingeniaritza eta Aholkularitza Klusterreko ordezkariak eta euskal enpresei Filipinetan kokatzen lagundu dien aholkularitza enpresa bat.

Eusko Jaurlaritzak SPRIren bidez antolatzen ditu euskal ETEei herrialde eta sektore zehatzetan negozio aukerak eskaintzeko jardunaldiak, eta 2012an guztira 1.450 enpresarik parte hartu zuten era honetako ekitaldietan.

Azti y la pyme Branka Composites fabrican un dron marino propulsado por energías renovables para impulsar la investigación en el mar
Berrikuntza 2 apirila, 2020
Energia berriztagarrien bidez bultzatutako itsas dron bat sortu dute Azti eta Branka Composites ETEak, itsasoan ikerketa garatzeko

Itsas azaleko Itsasdrone drona Branka Composites eta AZTI zentro teknologikoaren arteko...Leer más

La CE aumenta la financiación de proyectos de innovación e investigación sobre coronavirus a través del Horizon 2020
Berrikuntza 30 martxoa, 2020
Europako Batzordeak koronavirusari buruzko berrikuntza eta ikerketa proiektuen finantzaketa handitu du Horizon 2020ren bidez

Europako Batzordeak Horizon 2020 programa eguneratu du koronabirusarekin lotutako ikerketa eta...Leer más

Berrikuntza 25 martxoa, 2020
Telelana errazteko gakoak eta baliabideak

Laneko osasun aholkuak eta teknologia digital berriak aprobetxatzeko tresnak   Egunotan...Leer más

Aitziber L. Cortajarena, investigadora de Ikerbasque
Berrikuntza 24 martxoa, 2020
Bio-LED belaunaldi berri bat garatzeko asmoarekin nazioarteko proiektu batean hasi da elkarlanean CIC biomaGUNEk

Naturak argia sortzen du. ‘Aequorea victoria’ marmoken kasuan, proteina fluoreszente batek...Leer más

ITP Aero investiga
ITP Aerok etorkizuneko propultsio sistemak ikertzen ari da

Motor hibrido elektrikoetan lan egiten duen statuko enpresa bakarra da eta enpresen eraldaketa...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?