Euskal enpresaren blog-a Zure enpresarentzat garrantzitsua den eguneroko informazioa

13 ekaina, 2013
Eusko Jaurlaritzak Europar Batasunaren proiektu batean parte hartuko du Txileri Berrikuntzako Eskualde Estrategiei buruzko aholkularitza emateko

– Europar Batasunaren eta Txileren arteko lankidetza proiektu honek helburutzat dauka Europan arrakasta izan duten berrikuntza politikak Txileko eskualdeetara eramatea, eta SPRI da proiektu horren parte-hartzaileetako bat

Ampliar Ekonomiaren Garapen eta Lehiakortasun Sailak SPRIren bitartez kolaboratuko du Europar Batasuneko REGIO ZNrekin (Eskualde eta Hiri Politikako Zuzendaritza Nagusia) EU-Chile: Cooperación en sistemas de innovación regionales ene l marco de la Política Regional izeneko proiektuan, zeinaren bidez Berrikuntzako Eskualde Estrategiak (BEE) ezartzen lagunduko baitzaie Txileko eskualdeei. Proiektuaren bidez hainbat ekintza garatuko dira bermatzeko Europako eskualde politikako esperientziak, bereziki berrikuntzako eskualde politikakoak, eraginkortasunez transferitzen direla Txileko eskualdeetara. Aholkularitza hori jasoko duten eskualdeak bi taldetan sailkatuta daude, eta sailkapen hori egiteko kontuan hartzen da zein neurritaraino inplementatu duten beren Berrikuntzako Eskualde Estrategia.

Lehen taldean Berrikuntzako Eskualde Estrategia bat ezartzen ari diren zazpi eskualde daude (Arica eta Parinacota, Antofagasta, Tarapacá, Coquimbo, O’Higgins, Biobío eta Eskualde Metropolitarra). Hainbat eragileren bitartez (esate baterako SPRI) eta hiru fasetan jasoko dute Europar Batasunaren aholkularitza. Lehena martxoan jaso zuten eta Euskadik lehiakortasunaren eta enpresa berrikuntzaren esparruan izan duen esperientzia azaldu zien Txileko Santiagon proiektua abian jartzeko ospatu zen bileran. Bigarren etapan zazpi eskualdeetako ekimen arduradunek osatutako ordezkaritza bat bisitan izan zen Europan, proiektuan parte hartzen duten erreferentziazko eskualdeetan. Hain zuzen, Euskadi izan zen bisitaren lehen geldialdia, eta Madrilen, Helsinkin eta Bruselan garatutako esperientziak ere ezagutu zituzten. SPRIko aditu batek burutuko du lehen eskualde taldearentzako aholkularitza prozesuaren azken fasea. Jomuga eskualdeei egokitutako lehiakortasun alderdiei buruzko prestakuntza eskainiko die Berrikuntzako Eskualde Estrategia inplementatzeko jarduerak gauzatuko dituzten Txileko arduradunei.

EBko berrikuntza estrategia Txileko eskualdeetara transferitzeko lankidetza proiektu honen bigarren taldean Txileko bost eskualde sartzen dira, zeintzuek hemendik gutxira ekingo baitiote eskualdean berrikuntza arloko ekintzak planifikatzeko prozesuari. Talde horren barruan SPRI gaikuntzaz arduratuko da, eta ez beren Estrategien inplementazioan etapa aurreratuagoetan dauden beste zazpi eskualdeetan egiten duen aholkularitza lanaz.

Datozen hilabeteetatik 2013aren amaierara bitartean eta, EBko lantaldeko kide den aldetik, SPRIk laguntza tekniko espezializatua emango du, Finlandia, Belgika edo Italiako garapen agentziekin eta Galiziako, Madrileko eta Valentziako garapen agentziekin batera.

SPRIren kolaborazioari esker, nazioarteko harremanak indartuko dira euskal enpresei negozio aukerak eskaintzen dizkieten eta lehiakortasunaren aldeko ekintzetan lan egiten duten herrialdeekin. Posible da baita ere ekimen honen inguruko merkataritza-harreman berriak sortzea.

Proiektuaren emaitza globalak hitzaldi batean aurkeztuko dira Txileko Santiagon eta Eusko Jaurlaritza bertan izango da SPRIren bitartez.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?