Euskal enpresaren blog-a Zure enpresarentzat garrantzitsua den eguneroko informazioa

4 apirila, 2013
Euskal enpresek nazioartean zabaltzeko duten gogo biziaren adierazle, hilabeteko epean 780 bilera egin dituzte SPRIko kanpo sarearekin

– Ipar Amerikako, Afrika eta Ekialde Ertaineko, Europako, Latinoamerikako eta Asiako arduradunak EAEko hiru hiriburuetan elkartu ziren atzerriko merkatuetara irten nahi duten 357 enpresarekin.
– Ekonomiaren Garapen eta Lehiakortasun Sailak bultzatzen dituen topaketa horien helburua da edozein euskal enpresari aukera ematea bere proiektua gara dezan, aukeratutako herrialde edo eremu geografikoan aditua den ordezkari baten laguntzaz.
– 2012. urtean SPRIren kanpo sareak euskal enpresen 500dik gora nazioartekotze proiektu bultzatu zituen.

Pasa den hileetan zehar, Ekonomiaren Garapen eta Lehiakortasun Sailak euskal enpresen nazioartekotzea bultzatu du eta 780 bilera antolatu ditu SPRIko kanpo sarearen eta EAEko 357 enpresaren artean, Eusko Jaurlaritzak euskal enpresa-sareari nazioartekotzen laguntzeko abiatu dituen politiken markoan. Topaketak EAEko hiru hiriburuetan egin dira eta aste bakoitza eremu geografiko bati edo batzuei zuzenduta egon da: Ipar Amerika; Afrika eta Ekialde Ertaina; Europa eta, azkenik, Latinoamerika eta Asia.

Hala, munduko eremu geografiko desberdinetan kokatutako SPRIko kanpo sarearen ordezkariak Euskadira etorri dira bertako enpresekin elkarrizketatzeko eta nazioartekotzea bultzatzeko. Topaketa hauetan atzerriko merkatuetara ireki nahi duten euskal enpresek interesatzen zaizkien merkatuei buruzko lehen eskuko informazioa eskuratu dezakete, jomuga herrialde horretan diharduen ordezkariaren edo aholkulariaren eskutik.

Elkarrizketetan atzerriko ordezkariek aurkeztutako proiektuari buruzko gogoeta estrategikoa egin dute enpresa interesatuekin eta analisia azaldu ondoren, gure mugetatik kanpo kokatutako sarearen zerbitzuak eskaini dizkiete: jomuga merkatuen informazioa eta azterketa, sarrera komertziala, atzerrian ezarpen komertzialak eta produktiboak egiteko laguntza, aldi-baterako kokapena SPRIk herrialde desberdinetan dituen negozio zentroetan, prospekzio bidaia indibidualizatuak antolatzea, tramite ofizialetarako laguntza, tokiko agintaritza eta administrazioekin harremanetan jartzea eta prozesua finantzatzeko laguntzak.

Balantzea eremu geografikoka

SPRIko kanpo sarearekin eginiko topaketen azken edizio honetan 780 elkarrizketa egin dira 357 enpresarekin. Horietatik 83k adierazi dute Europako herrialdeetan garatu nahi dituztela beren proiektuak, 97k Latinoamerikan, 67k Afrikan eta Ekialde Ertainean, 46k Asian eta 64k Ipar Amerikan.

Lehen topaketak Ipar Amerikari buruzkoak izan ziren eta otsailaren amaiera aldera egin ziren. Guztira 79 elkarrizketa egin ziren beste horrenbeste proiekturi buruz eta 64 enpresak parte hartu zuten. Martxoko lehen astean Afrika eta Ekialde Ertainari buruzko bilerak egin ziren; guztira 67 enpresak azaldu zuten bi eremu geografiko handi horiekiko interesa eta 174 elkarrizketa egin ziren.

Hurrengo topaketetan Europa izan zuten aztergai; 83 enpresak parte hartu zuten eta Europako topaketa horietan egin ziren elkarrizketa gehien, 285 hain zuzen. Azkenik, Latinoamerika eta Asiako ordezkarien txanda izan zen. Latinoamerika izan zen interes handiena piztu zuen bigarren eremu geografikoa, 185 elkarrizketa egin zirelarik; Asiari buruzko elkarrizketak, berriz, 57 izan ziren.

2012an zehar euskal enpresek guztira 502 nazioartekotze proiektu garatu zituzten SPRIren kanpo sarearen laguntzaz.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?