Euskal enpresaren blog-a Zure enpresarentzat garrantzitsua den eguneroko informazioa

20 martxoa, 2013
EUSKADI ESPEZIALIZAZIO ADIMENDUNAREN ESTRATEGIETARA XEDATZEAREN ETA I+G+b INDUSTRIARA TRANSFERITZEAREN ALDEKO APUSTUA EGIN DU EUSKO JAURLARITZAK

Ekonomiaren Garapen eta Lehiakortasun Sailak SARETEK Zientzia eta Teknologiaren Euskal Sarearen (ZTES) eguneratze-prozesua abiarazi du.
Tapia Ikerketa, Berrikuntza eta Zientzia komisario Máire Geoghegan-Quinn andrearekin elkartuko da Bruselan, datorren apirilaren 22an.

Ekonomiaren Garapen eta Lehiakortasuneko sailburu Arantza Tapiak prentsaurrekoa egin du gaur goizean, Euskadin ezarri beharreko Lehiakortasun Estrategiaren oinarriak finkatu ahal izateko bere sailak egin dituen urratsak aurkezteko.

Prentsaurrekoan —bertan parte hartu dute, halaber, Teknologia, Berrikuntza eta Lehiakortasuneko sailburuorde Estíbaliz Hernaez andreak eta Teknologia eta Estrategiako zuzendari Leyre Bilbao andreak—, Tapiak ZTES osatzen duten agente guztiekin izandako bileren prozesua azaldu du (Tecnalia, Ik4 eta IKZak), agente guztiek beren misioa eta ekintza optimizatu ahal izateko estrategia bat partekatuz. Era berean, diagnostiko hori Innobasque, Orkestra eta Euskalit zentroekin egiaztatu da, horiek ere partaidetza aktiboa baitute estrategia berri horren ezarpenari dagokionez.

Eusko Jaurlaritzako Ekonomiaren Garapen eta Lehiakortasun Sailak Euskadiko errealitatearen I+G+b arloko sendotasunak eta hobekuntza-puntuak zehazten dituen diagnostiko bat igorri die ZTES sareko agente guztiei; sailburuaren arabera, diagnostiko hori «bat dator Europar Batasunetik iristen zaizkigun gomendioekin eta txostenekin».

«Azken hamarkada hauetan I+G+b-aren aldeko apustu garbia egin ostean, Euskadik oso “arkitektura” interesgarria du gaur egun, Europan behin eta berriz goraipatu dena. Gure politiken orientazioan salto kualitatibo bat egiteko momentua iritsi da, eskualdeko berrikuntzaren eredu gisa Euskadik Europan duen kokapena are gehiago indartzeko. Baita Euskadi Espezializazio Adimendunaren Estrategian kokatzeko ere».

Jarduteko lehentasunak, I+G-b arloko diagnostikoa kontuan hartuta:

1. Gure gaitasunetan oinarritutako ibertsifikazio/ espezializazioa aintzat hartuko duen lehiakortasun-politika bat garatzea.

2. ZTBES sarea eguneratzea. Sailaren ekintzarekin loturik dauden agenteekin abiaraziko dugu lana.

3. I+G+b arloko emaitzak industriara (industria-proiektuetara) igortzeko orduan eraginkortasuna irabaztea.

4. I+G+b arloko laguntzetara xedaturiko erreminten eraginkortasuna eguneratzea.

ZTBES sistemaren balioa eta sendotasuna

Bi milioi biztanle baino zertxobait gehiago izanda ere, bi korporazio teknologiko garrantzitsu ditugu (Tecnalia eta IK4); horiek 3.000 ikerlariri baino gehiagori ematen diete lana (estatu espainiarreko industria-ikerketaren output osoaren % 40), eta 14.000 langile eta 403 enpresa barne hartzen dituzten lau parke teknologiko dituzte.

Horiei Ikerketa Kooperatiboko Zentroen sarea eta agente kualitatiboak gehitu behar zaizkie, Innobasque, Orkestra eta Euskalit, adibidez.

ZTBES sarearen eraginkortasuna handitzeko ekintzak

SARETEKeko agente guztiek industria-politikaren zerbitzura gauzatzen duten MISIOA berrikusi eta, hala badagokio, eguneratzea, eta ikerketarako funts publikoen itzulkin gehiago lortzea.
SARETEKeko agenteak HOMOLOGATZEA (profesionalen kategoria, kudeaketarako erremintak eta emaitzak aintzat hartuta). Horretarako, ZTBES sareko agente guztiei eskatzen zaizkien Europako irizpideak/baldintzak hartuko dira kontuan.
Euskadiko I+G+b arloko MAPA DEFINITZEA; bertan, agenteak behar bezala irudikatuko dira eta finantzaketa-bideak agente bakoitzaren misiora egokituko dira.
Ikerketa-funtsen erabilera eta inpaktua EBALUATZEA, merkatuaren jarraipen teknikoa eta ekonomikoa eginez.
Ziurtapen-jarduerak eta entseguak, nahiz beste mota bateko jarduera ekonomikoak, ikerketa-erakunde desberdinen I+G+b arloko jardueretatik BEREIZTEA.
Ikerketa-funtsak emaitza arrakastatsuagoak aurreikusten dituzten ikerketa aplikatuko estrategietara BIDERATZEA (S3 estrategia), ikerketa-funtsak herrialdearen lehiakortasuna hobetzera xedatu daitezen.
SARETEKeko agenteen misioa, adierazleak eta helburuak 4-8 urtero BERRIKUSTEA ETA EGUNERATZEA.

Baliabideen ebaluazio-sistema, Europako parametroen bitartez

I+G+b politiken garapenera xedaturiko baliabide publikoei dagokienez, Tapia sailburuak horien eraginkortasuna hobetzeko moduan garela jakinarazi du.

Horretarako, I+G+b programen monitorizazio-sistema bat garatzen ari dira, irizpide homologagarrietan oinarritzen den eta Europako parametroek betetzen dituen neurketa bat egin ahal izateko.

Bilera berrikuntza-komisarioarekin

Arantza Tapia sailburua Europar Batasuneko Ikerketa, Berrikuntza eta Zientzia komisarioa den Máire Geoghegan-Quinn andrearekin bilduko da apirilaren 22an.

Bilera horrek Euskadiko I+G+b arloko diagnostikoa Europar Batasunekoarekin alderatzeko balioko du, baita SARETEKeko agenteekin abiarazitako eguneratze-prozesuaren berri emateko ere.

“S3”- Espezializazio Adimendunaren Estrategiak.

Ekainerako, Euskadik Espezializazio Adimendunaren Estrategiaren bere proposamena aurkeztuko dio Europar Batasunari; izan ere, Estrategia horretara xedatuko ditu Lehiakortasun Plana osatuko duten I+G+b arloko finantzaketa-erreminta nagusiak.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?