Euskal enpresaren blog-a Zure enpresarentzat garrantzitsua den eguneroko informazioa

21 uztaila, 2015
Lantegi Batuak-ek kanpaina bat jarri du martxan lan aukera gehiago eskaintzeko

Lantegi Batuak erakundeak, ezintasunak dituzten pertsonen gizarteratzea eta laneratzea helburu dituenak, “Eten zure urritasuna” kanpaina jarri du martxan
Corta con tu discapacidad-Eten zure urritasuna kanpaina.

Lantegi Batuak erakundeak, ezintasunak dituzten pertsonen gizarteratzea eta laneratzea helburu dituenak, “Eten zure urritasuna”  kanpaina jarri du martxan, adimen ezintasuna, ezintasun fisikoa edo zentzumen ezintasunak dituzten eta Bizkaian lana bilatu nahi duten pertsonentzat.

Ekintza honen bidez, erakundeak 130 lanpostu berri sortu nahi ditu datozen hiru urteetan antolakundearen zentroetan eta haien zerbitzu sarean. Kanpaina hau kualifikazioa duten eta ez duten pertsonei zuzentzen zaie industria eta zerbitzuen sektoreetan sortuko diren lanpostuak estaltzeko, eta Lantegi Batuak-ek martxoan aurkeztu zuen 2015-2017 Plan Estrategikoaren barruan dago.

Plan horren asmoa da lan aukera berriak sortzea ezintasunak dituzten bizkaitarrentzat, eta itxaron zerrendarik egon ez dadila beren zerbitzu okupazionalak eskuratzeko. Erakundeak dioenez, 2012tik hona 191 lanpostu berri sortu dira eta aurreikuspenei jarraiki, 6 urte barru 321 lanpostutara iritsiko da sortutako enplegu kopurua.

Datu baikor horien arrazoia da Lantegi Batuak-ek dibertsifikazio estrategia bati jarraitzen diola eta azken urteetan zerbitzuen sektorera zabaldu dela hainbat proiekturekin: 2012an BBK Good Hostel ireki zuten, ezintasuna duten pertsonek kudeatzen duten aterpetxea; Diversity taberna daukate Bilboko hirigunean, eta A-8 autobideko Zornotzako zerbitzu-gunea kudeatzen dute pasa den martxoaz geroztik. Ostalaritza ekimen horiekin batera, lan aukera gehiago ere eskaintzen ditu  besteak beste elektronika, mekanizatu, logistika, garbiketa eta lorezaintza arloetan.

Zahartze aktibo eta osasuntsurantz

Ezintasuna duten pertsonen bizi-kalitatea hobetzeko eta haientzako lan aukerak ugaritzeko estrategiaren barruan, Lantegi Batuak-ek Zahartze Aktiboa ekimena dauka martxan. Proiektu hori 2014. urtearen amaieran abiatu zen Bizkaiko Foru Aldundiaren laguntzarekin eta 2015ean garapen fasean dago. Proiektu horren bidez zahartzearen efektu negatiboak murrizteko metodologiak eta tresnak diseinatuko dituzte, efektu negatibo horiek 50 urtetik aurrera agertzen baitira ezintasunak dituzten pertsona askorengan.

Helburu nagusia da osasun fisiko eta emozionala hobetzea, Lantegi Batuak-en bost zentroetan ezartzen ari diren esperientzien bitartez. Horietako batzuk dira Feldenkrais, psikomotrizitatea hobetzeko gorputz terapia, afektibitatea lantzeko bio-dantza saioak, eta zentzumenen erabilera estimulatzeko areto multi-sentsorialak. Asmoa da proiektua etorkizunean baliagarri izan dadila beste antolakunde eta kolektibo batzuentzat.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?