Euskal enpresaren blog-a Zure enpresarentzat garrantzitsua den eguneroko informazioa

29 urria, 2015
Repsol Fundazioak, Petronor-ek eta Beazek bultzatzen dute ekintzaileen eta enpresen arteko topaketa

Repsol Fundazioak, Petronorrek eta BEAZek Energia eta Ekintzailetzari buruzko eztabaidaren eta topaketaren II. jardunaldia egingo dute Zamudioko Zientzia eta Teknologia Parkeko KABI612 inkubagailuaren eraikinean.

Jardunaldiaren bigarren edizio honek ekintzailetzaren eta berrikuntzaren ekosistemako ordezkari nagusiak bilduko ditu beste behin ere. Jardunaldiari ofizialki hasiera emateko arduradunak honako hauek izango dira: Bizkaiko Foru Aldundiko Ekonomi eta Lurralde Garapena Sustatzeko diputatua, Imanol Pradales;  Eusko Jaurlaritzako Teknologia, Berrikuntza eta Lankidetzarako sailburuordea, Estibaliz Hernáez; Repsol Fundazioko presidenteordea, Ignacio Egea, eta Petronorreko presidentea, Emiliano López Atxurra.

 

Lehenengo edizioan bezala, jardunaldiaren helburua enpresa-sektorearen eta ekintzaileen arteko elkargunea sustatzea da, modu zuzen eta eraginkorrean. Hori dela eta, ekintzailetzaren sustapenean interesatutako pertsonen eta profesionalen presentzia indartu da, arreta berezia jarriz unibertsitate zentroetan, Lanbide Heziketan, laneratzea eta garapena sustatzeko agentzietan, eta negozio-ideia berrien sustatzaileetan.

 

Jardunaldiaren egitura bi ataletan banatu da, ekintzailetzaren funtsezko alderdiak hobeto ikus daitezen. Lehenengo eta behin, solasaldi bat egingo da Euskadiko eragile dinamizatzaile nagusien artean. Mahai-inguruan Josu Bilbao Begoñak, Beazko Berrikuntza arduradunak, egingo ditu moderatzaile lanak, eta ondorengo hauek hartuko dute parte: Aitor Urzelai, Eusko Jaurlaritzako Ekintzailetzaren, Berrikuntzaren eta Informazio Gizartearen zuzendaria; Ainara Basurko, Beazko zuzendari nagusia; Eduardo Romero, Repsol Fundazioaren Ekintzaileen Funtseko zuzendaria; Ander Izpizua, Kutxabankeko handizkako bankuaren zuzendaria, eta Marisa Arriola, BIC Gipuzkoa Berrilaneko zuzendari nagusia.

 

Jardunaldiaren bigarren atalean eragile dinamizatzaileetakoren batek inkubatutako enpresen hainbat kasu arrakastatsu azalduko dira. Ildo horretatik, bertaratuek honako enpresa hauen esperientzia ezagutzeko aukera izango dute: Ariadna Instruments, Beazek inkubatutako konektibitate-enpresa; Xerolutions, Repsol Fundazioak lagunduta; Wavegarden, BIC Berrilanen eskutik, eta Asimov Ikastegia, Kutxabankek finantzatutako eta sustatutako ideia.

 

Bertaratutakoak bi ataletan parte hartzera gonbidatuta daude, eta solasaldietan bakoitzak bere txanda izango du. Jardunaldiari amaiera emateko Ignacio Egeak, Repsol Fundazioko presidenteordeak, ondorioen irakurketa egingo du.

Berrikuntza 28 maiatza, 2020
Euskal enpresek SPRI Taldearen Berrikuntza eta Nazioartekotze laguntzak eskuratu ahal izango dituzte ekainaren hasieran

Laguntzak aste honetan eskuratu ahal izango dira, EHAAn argitaratu ondoren. SPRI Taldeak...Leer más

Bexen Medical se convertirá en las próximas semanas en una de las mayores productoras de mascarillas del Estado
Berrikuntza 25 maiatza, 2020
Bexen Medical enpresa gipuzkoarra Estatuko maskara ekoizle handienetako bat izango da

Hain da handia eskaera, non enpresara deitzerakoan  ahots batek inportatu dituzten maskara...Leer más

Berrikuntza 22 maiatza, 2020
Elkarrizketa Mondragon Korporazioko presidente Iñigo Ucínekin

  Pobretze handiagoaren eta langabeziaren hazkundearen benetako mehatxuaren aurrean,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?