Euskal enpresaren blog-a Zure enpresarentzat garrantzitsua den eguneroko informazioa

8 uztaila, 2013
Directivo 21 Programako parte-hartzaileek “Pertsonen Kudeaketako” prestakuntzari eman diote balorazio onena bere erabilgarritasunagatik

2012an 1.500 zuzendaritza-karguk parte hartu dute SPRIren Estrategiari, Bezeroei, Pertsonen Kudeaketari, Konpromiso Sozialari eta Lidergoari buruzko prestakuntza programetan.

Directivo21 programan parte hartu duten euskal zuzendaritza-karguek “Antolakundeko pertsonen kudeaketa” hobetzeko giltzarriak baloratu dituzte ongien. 2012ko edizioan parte hartu duten 1.500 inkestatuentzat ikasitakoa oso baliagarria da beren eguneroko lanean. Bigarren eta hirugarren tokian, zuzendaritza-karguek “Bezeroen kudeaketa” sakonago aztertzea eta “Estrategia” definitzea baloratu dute gehien.

Pertsonen bidezko aldaketaren kudeaketari buruzko prestakuntzan hainbat giltzarri eman ziren enpresetako langileen motibazioa, parte-hartzea eta errendimendua handitzeko eta lantalde eraginkorrak zuzentzeko gaitasuna hobetzeko. Lidergo eraldatzailea, lantaldeen kudeaketa, aldaketaren kudeaketa eta gatazken irtenbideak landu zituzten, besteak beste.

Ekonomiaren Garapen eta Lehiakortasun Sailak SPRIren (Enpresen Garapenerako Agentzia) bitartez jarri zuen martxan Directivo21 prestakuntza ekimena, helburu bikoitzarekin: batetik, euskal enpresetako arduradunei estrategiak definitzean kontuan hartu behar dituzten giltzarriak ematea eta, bestetik, bezeroen kudeaketan, pertsonen inplikazioan, konpainiaren konpromiso sozialean, lidergoan eta parte-hartzean dituzten gaitasunak hobetzeko prestakuntza ematea.

Ekintza hau Euskalit erakundearekin lanakidetzan garatu da eta SPRIk diseinatutako metodologia baliatu du. Directivo21 ekimenak eta SPRIk diseinatutako metodologia darabilten lider21 eta sarea21 prestakuntza ekintzek kudeaketa aurreraturako gaikuntza eskaintzen dute, eta enpresa industrialetako edo horiekin lotutako zerbitzuak eskaintzen dituzten enpresetako kudeatzaileei zuzenduta daude.

LISTADO DE RESUMEN DE SECCIONES:

Directiv@21

Programa honek 2013rako duen helburua da berritzeko eta lehiakorrago izateko behar diren sei elementuen funtsak ezagutu eta sakontzea kudeaketa aurreratuaren bidez. Enpresa industrialetako eta zerbitzu enpresetako kudeatzaile eta zuzendaritza-karguei zuzenduta dago eta doakoa da.

——————————————————————————–

Lider21

Programa honek 2013rako duen helburua da lidergo eraginkorra lortzeko printzipioak eta funtsak ezagutzea eta lantaldeek zein lidergoak enpresa lehiakor eta berritzaile batean duten garrantziaz jabetzea. Gainera, gure enpresan lidergoa garatzeko eta hedatzeko bideak eta tresnak ezagutaraziko dira.

——————————————————————————–

21Sarea

21Sarearen helburua da sare sozial bat sortzea enpresa berrikuntzaren eta kudeaketa aurreratuaren esparruan ezagutza komunitate bat eratzeko. Euskadin zuzendaritza-kargu prestatuak eta motibatuak edukitzen laguntzea du helburu, bide horretatik antolakundeak lehiakortasun marko berrira egokitzeko.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?