Euskal enpresaren blog-a Zure enpresarentzat garrantzitsua den eguneroko informazioa

16 apirila, 2017
Demokrazia Digitala: teknologietatik harago

NESTA berrikuntza agentziaren txostena online eskuratu daiteke.

Ikerketa batek aztergai ditu parte-hartzea zabaltzeko IKTak darabiltzaten proiektu aitzindariak.

 

NESTAren Digital Democracy ikerlanaren arabera, teknologia digitalek aldatu egin dute gure bizitzaren zati handi bat, baina gobernantza eredua XX. mendekoaren berdina da ia. Egunero erabiltzen ditugu IKTak komunikatzeko, erosketak egiteko, informazioa eskuratzeko eta lanerako, baina erabaki politikoak ordezkarien arteko eztabaida presentzialetan oinarritzen dira oraindik ere.

 

Ez da erraza demokrazia digitalaren kontzeptua mugatzea, kontzeptu hori hertsiki loturik dagoelako tresna digitalak erabiltzearekin gardentasuna sustatzeko, parte-hartzea handitzeko eta hiritarrak sartzeko erabakiak hartzeko prozesuetan. Digital Democracy azterlanak definizio hau ematen du: “demokrazia praktikatzea tresna eta teknologia digitalak erabiliz”. Mundu osoan garatutako esperientzia desberdinetatik abiatuta, NESTAren ikerlanak ahalegina egin du jakiteko zerk funtzionatzen duen eta zerk ez.

 

Txostenean hainbat kasu daude, adibidez, Brasileko e-Democracia plataforma, zeina 2009an abiarazi baitzen, hiritarrak sartzeko legegintzako prozesuetan. Espazio horretan, jendeak aukera du foroetan parte hartzeko ordezkari politikoekin, iradokizunak argitaratzeko edota komunitate birtual tematikoetan eztabaidatzeko. 2016an plataformak 37.000 erabiltzaile erregistratu baino gehiago zituen, eta lege proiektu asko egin dira kanal horretatik jasotako proposamenetatik abiatuta. Antzekoak dira Frantziako Parlement et Citoyens, non 30 ordezkari politikok parte hartzen baitute edota vTaiwan, zeinak onlineko eta offlineko espazioak uztartzen baititu adostasun zabala lortzeko gai konplexu edo eztabaidagarrien inguruan.

 

Azterketa horretatik abiatuta, txostenak “ikasitako hainbat lezio” eman ditu. Lehenengoak dio zintzotasunez eta gardentasunez jokatu behar dela: ongi azaldu behar da zer egingo den jasotako ekarpenekin eta nolako eragina izango duten azken erabakian, bestela, prozesuak desilusioa eta frustrazioa sor ditzakeelako. Horrez gain, garrantzitsua da onlineko eta offlineko kanalak nahastea, parte-hartzea komunitate desberdinengana irits dadin. Azkenik, azterlanak dio funtsezkoa dela erabiltzaileentzako eta prozesuaren premietarako tresna egokienak aukeratzea, teknologiak eskaintzen dituen aukera guztiekin itsutu beharrean.

Iratxe Zuloaga, CEO Ariadna Grid
Berrikuntza 10 uztaila, 2020
Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren...Leer más

Cikautxo apuesta por la nanotecnología para dar un salto en las aplicaciones del caucho en sectores como la edificación o la biomedicina
Berrikuntza 8 uztaila, 2020
Durangaldea “Cycle Friendly Employer” eskualdea izango da

Estrategia publiko-pribatu horrek enplegua sortuko du kolektibo...Leer más

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?