Euskal enpresaren blog-a Zure enpresarentzat garrantzitsua den eguneroko informazioa

11 otsaila, 2013
Bi eraikin berri egiteko lanak hasi dira UPV/EHUko Zientzia Parkean

– Abere-Bioteknologia Zentroa eta Plataforma Teknologikoaren eraikuntza lanak abenduan esleitu zituen Unibertsitateak 19.604.400,93 euroko aurrekontuarekin.

UPV/EHUko Zientzia Parkean hasi dira dagoeneko bi eraikin berri egiteko lanak; Euskal Herriko Unibertsitateak, azpiegitura berri hauen sustatzaileak, iazko urte amaieran esleitu zituen lanak eta Zientzia Parkearen kudeatzaile den Bizkaiko Zientzia eta Teknologia Parkearen Administrazio Kontseiluak oniritzia eman zien esleipen horiei. Bi eraikinok egiteko lanen aurrekontu osoa 19.604.400,93 (BEZa barne) eurokoa izango da eta lanen iraupena 85 astekoa izango dela aurreikusten da.

Eraikinetako batek UPV/EHUren Abere-Bioteknologia Zentroa hartuko du. Gainazalean 6.565,50 m2 lurgainean eta 4.063,50 m2 lur azpian izango ditu eraikita Zientzia Parkearen 3. lursailean. Proiektu erabat berritzailea du eraikin honek bere egituran, izan ere ia 20 metro sakonerako argiak jartzeko aukera ematen baitu zutaberik izan gabe; aldi berean, egiturak eguzki-kontrolaren funtzioa ere egiten du.

Bigarren eraikina Zientzia Parkearen 2. lursailean eraikiko da eta Plataforma Teknologikoaren egoitza izango da. Gainazalean eraikitakoak 7.884,45 m2 lurgainean eta 2.669,40 m2 lur azpian beteko ditu. Azpiegitura berriak Azterketa Zerbitzu Zentrala izango du bigarren solairuan, espektrofotometria eta kromatografia analisiak egiteko tresneria-ekipamendurako erabiliko dena; Prestaketa Aretoak ere izango ditu, lehen eta bigarren solairuetan, laginen garbiketa eta prestaketa ezarriko diren esparruak; eta Tresneria Aretoak, hiru solairutan banatuta, neurri handiko tresna bereziak kokatzeko tokiak.

Eraikin berri hauen lanak haste diren bitartean, UPV/EHU Zientzia Parkean oso aurreratuta daude Egoitza eraikina eta Biofisika Unitatearen eraikuntza lanak, Bizkaiko Zientzia eta Teknologia Parkeak sustatutakoak. Zientzia Parkearen Egoitza izango denaren eraikuntza lanak martxoan amaituko dira; bertan kokatuko dira enpresa inkubagailua, Ikerketa Emaitzen Transferentziarako Bulegoa-OTRI, aholkularitza eta informazio zerbitzuak, lehen enpresa egitasmoetarako tokiak etabar. Biofisika Bizkaia Fundazioaren egoitza berriz, aurtengo azken hiruhilabetekoan egongo da bukatuta eta ikerketarako esparruak eta ikertzaileentzako eta irakasleentzako ostatua izango ditu.

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?