Euskal enpresaren blog-a Zure enpresarentzat garrantzitsua den eguneroko informazioa

13 martxoa, 2017
Circular Hub ekimenak Ekonomia Zirkularraren potentziala erakutsi nahi du

Donostian sortutako proiektu horrek dagoeneko sortu du bere lehen mikro-esperientzia.

 

“Gure asmoa da frogatzea ekonomia zirkularrak sortzen duen garapen soziala handiagoa dela ekonomia linealak sortzen duena baino” azaldu du Aitor San Francisco ingeniari eta ekintzaileak eta Circular Hub ekimenaren bultzatzaileetako batek. Ekimen hori iazko urtearen hasieran sortu zen, ekonomia zirkularra bultzatu nahi zuten pertsona eta proiektuak elkarrekin bildu zirenean Impact Hub Donostia espazioan.

 

Circular Hub enpresa, gizarte eta ikerketa arloetako eragilez osatutako diziplina anitzeko talde bat da, eta parte-hartzaileen artean daude Emaús, Haiku-Futón, Motorlan Fagor Automation eta Prosalus, eta baita ere Yeneko Lozano eta Aitor San Francisco ekintzaileak. Taldearen helburu nagusia da ekonomia zirkularreranzko trantsizioa azkartzea, ezagutza eta ekintza zehatzak garatuz eredu hori zabaltzeko gure lurraldean.

 

Ekonomia zirkularrak baztertu egiten ditu gaur egungo produkzio sistema linealak, hots, fabrikatu, erabili eta bota zikloan oinarritzen direnak, eta berriro txertatzen ditu hondakinak zikloan lehengai gisa, produktu- eta zerbitzu-ildo berriak sortuz. Europan gero eta indar handiagoa hartzen ari den eredu horren bidez, eraginkortasun handiagoz erabiltzen dira baliabideak eta, gainera, aukera paregabea da irabazi ekonomikoak, sozialak eta ingurumenerako abantailak sortuko dituzten enpresa ekimenak eratzeko.

 

Ikuspegi horren arabera, Circular Hub ekimenak hiru ekintza ildo markatu ditu: hezkuntza -unibertsitatearen esparruan nagusiki-, Gipuzkoan funtsezkoak izango diren eragileen lankidetza bilatzea eta mikro-esperientzia ukigarriak garatzea. Lantaldeak dagoeneko martxan dauka horietako lehena: kafe hondarretan onddoak hazten hasi dira, Tabakalera eraikineko kafetegiko hondakinak berrerabiliz.

 

2017an zehar, Circular Hub ekimenak mikro-esperientzia gehiago garatu nahi ditu, hala nola alderantzizko vending makinak instalatzea ontziak bildu eta erailpen berriak emateko edota sistema bat diseinatzea elikagaiak berreskuratzeko eta alferrik ez galtzeko. “Gure asmoa ez da negozio ideiak sortzea, baizik eta esperientziak martxan jartzea ikusteko norantz egin daitekeen aurrera eta baliagarriak izan daitezen hezkuntzarako zein beste ekintzaile batzuentzako” azaldu du Aitor San Franciscok.

 

Circular Hub ekimena interes talde gisa ari da lanean Europako Retrace proiektuan, Azaro Fundazioarekin eta BEAZekin batera (Estatuko parte-hartzaileak), eta Impact Hub sarearen bidez, Circular Hubs ekimenen sorrera bultzatzen du Madrilen eta Vigon. 2016an, lantaldeak Gipuzkoako Foru Aldundiaren laguntza eskuratu zuen GipuzkoaLaben markoan, etorkizuneko erronkei erantzuteko proiektu berritzaile gisa.

Iratxe Zuloaga, CEO Ariadna Grid
Berrikuntza 10 uztaila, 2020
Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren...Leer más

Cikautxo apuesta por la nanotecnología para dar un salto en las aplicaciones del caucho en sectores como la edificación o la biomedicina
Berrikuntza 8 uztaila, 2020
Durangaldea “Cycle Friendly Employer” eskualdea izango da

Estrategia publiko-pribatu horrek enplegua sortuko du kolektibo...Leer más

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?