Euskal enpresaren blog-a Zure enpresarentzat garrantzitsua den eguneroko informazioa

31 maiatza, 2016
Boletus, Nire iHealth, Ikusi eta Open Data Euskadi enpresek jaso dituzte euskal IKT onenen sariak

Telekomunikazioen esparruko 150 profesionala eta aditu inguru elkartu ziren TelekoGaua, Euskal IKTen Gauean. Bi urterik behin egiten den ekitaldi bat da eta, helburutzat dauka aitortza egitea Euskadiko IKT arloko enpresa berritzaileenen lanari. Topaketa hori. Euskadiko Telekomunikazio Ingeniarien Elkargoak eta Elkarteak (COITV eta EHTIE) antolatzen dute. Seigarren edizio honetan, Boletus, Ikusi eta Nire iHealth enpresak izan dira sarituak, eta baita ere Eusko Jaurlaritzak bultzatutako Open Data Euskadi ekimena. Halaber, epaimahaiak sari berezi bat eman zion UPV/EHU’ko katedradun Juan Luis Ordialesi.

Ikusi enpresa gipuzkoar bat da, informazio eta komunikazio teknologien sektorean ibilbide luzea duena. Bederatzi herrialdetan presente dagoen enpresa hori espezializaturik dago mugikortasun, smart city nahiz azpiegituretako segurtasun esparruetarako komunikazio-sareetan eta sistema eta zerbitzuen integrazioan. Bere azken proiektuetako batzuk dira “Spider Smart City” hirientzako IoT gobernantza-plataforma eta “Spider Pax Flow” konponbidea azpiegitura kritikoen (aireportuak adibidez) kudeaketa adimendunerako. Enpresa ekimen onenaren TelekoGaua saria jaso zuen.

IKT arloko berrikuntzaren saria Boletus startup bilbotarrarentzat izan zen, zeinak tokian tokiko merkataritza sustatzen baitu eskaintzak eta deskontuak egiten dituen aplikazio mugikor baten bidez. Duela gutxi, enpresak mugikor bidez ordaintzeko plataforma bat ere integratu du aplikazioan. Hala, erabiltzaileek app hori besterik ez dute behar beren kontsumizio edo erosketak unean bertan ordaintzeko. Boletus enpresak 120.000 erabiltzaile aktibo ditu zortzi autonomia erkidegotako 3.500dik gora establezimendutan.

Nire iHealth enpresak IKT Junior saria eskuratu zuen. Konpainiak plataforma teknologiko bat sortu du osasuna modu transbertsalean kudeatzeko; datu pertsonalak analizatuz, horietan oinarritutako gomendioak ematen ditu nutrizioari, jarduera fisikoari eta osasun emozionalari buruz. Oraindik beta fasean dagoen proiektu honek onlineko laguntza ere eskainiko du medikuen eta osasun arloko espezialisten eskutik.

COITPV eta EHTIE erakundeek Open Data Euskadi ekimena ere saritu zuten, Administrazioaren datu publikoak hiritarren eta enpresen esku jartzeko Eusko Jaurlaritzaren proiektua. Sariak aitortza egiten dio ekimen horrek aberastasuna eta gardentasuna sortzeko duen balioari. Eta, bukatzeko, TelekoGauak IKT Pertsonaiaren saria eman zion Juan Luis Ordialesi, COITPVko lehen dekanoari. Ordiales UPV/EHUko Telekomunikazio Ingeniaritza ikasketen bultzatzaile nagusietako bat izan zen, eta bere ibilbide profesionalean lan handia egin du ingurune akademikoan IKTak sustatzeko.

Berrikuntza 6 maiatza, 2021
SPRI Taldeko zuzendariak hasiera eman die ETEentzako laguntza-planak aurkezteko eskualde mailako jardunaldiei

  SPRI Taldeko zuzendari nagusi Aitor Urzelaik ostegun honetan eman die hasiera Ekonomi...Leer más

Berrikuntza 5 maiatza, 2021
Eusko Jaurlaritzak Basque Green Deal aurkeztu du, Bidezko Garapen Jasangarriaren Ereduan aurrera egiteko ekimena

  Europako Itun Berdea edo European Green Deal, Europar Batasunak 2019ko abenduan proposatu...Leer más

centro innovación abierta Álava Araba Gasteiz Vitoria
Berrikuntza 4 maiatza, 2021
Arabak Berrikuntza Irekiko Zentro bat izango du enpresa-berrikuntza bultzatzeko

Aurtengo udan inauguratuko da Arabako Foru Aldundiak abian jarri duen Berrikuntza Irekiko eta...Leer más

Agroplaza
Berrikuntza 3 maiatza, 2021
Pezestudio: “Agroplazaren helburua hiriko bizitzaren aldeko hirigintza sortzea da”

Pezestudio arkitekturaren bidez inguruak sozial eta ekologikoki aldatu nahi duten arkitektoen...Leer más

Berrikuntza 29 apirila, 2021
Pertsonak ardatz dituen diseinua enpresetara eramateko laguntza-programa ezagutaraziko du Mondragon Unibertsitateak

  Mondragon Unibertsitateak online egingo den doako jardunaldi bat antolatu du enpresa eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?