Euskal enpresaren blog-a Zure enpresarentzat garrantzitsua den eguneroko informazioa

23 maiatza, 2016
Bizkaiak berrikuntza sozialeko gune bihurtu nahi du

Euskadiko eta nazioarteko ekimenek parte hartuko dute Bizkaia, Berrikuntza Sozialaren gunea topaketan, zeinaren helburua baita ezagutzera ematea zein tresna eskaintzen dituen Bizkaiko Foru Aldundiak berrikuntza sozialarekin lotutako proiektu eta enpresa berriak bultzatzeko.

Datorren maiatzaren 31n Berrikuntza Sozialaren Bigarren Jardunaldia egingo da Bilbon.

Goizean zehar Ekintzailetza eta Berrikuntza Sozialeko Programa aurkeztuko da, une honetan deialdia irekirik duena, eta baita ere Ekintzailetza eta Berrikuntza Sozialeko Funtsa. Jardunaldian zehar, programa horien erabiltzaileen esperientziak azalduko dira eta nazioarteko erreferente baten berri emango da: Kanadako Social Innovation Generation proiektua.

Esperientzien mahaian Euskadiko hiru ekimen egongo dira. Zubietxe Elkartea izango da lehenengoa, laguntza programen bitartez bazterkeria arriskuan dauden pertsonak gizarteratzeko lan egiten duen erakundea. Zubietxe elkartearen azken proiektuetako bat LIBU da, Bilboko Alde Zaharrean kokatutako liburu-denda sozial bat, non bigarren eskuko liburuak saltzen diren, baliabide gutxiko pertsonei lan aukerak eskaintzeko. Irrintzi Soluciones Adaptadas enpresak ere parte hartuko du eztabaidan. Enpresa horrek motorrezko ibilgailuak egokitzen ditu ezgaitasunak dituzten pertsonentzat, eta auto-eskola bat eta aholkularitza zerbitzuak ere eskaintzen ditu. Hirugarren esperientzia Osasuna Mugimendua Kontrola da; jarduera fisikoan eta osasunean espezializatutako teknikariek bultzatu duten proiektu bat da eta jarduera espezifikoak diseinatzen ditu, besteak beste, pertsona nagusientzat edota gaixotasun kronikoak dituztenentzat.

Azkenik, Tim Draimin-ek, Social Innovation Generation Canada erakundeko zuzendariak, parte hartuko du jardunaldian. Erakunde horrek beste erakunde publiko eta pribatu batzuekin batera lan egiten du berrikuntza soziala bultzatzeko esparru guztietan, baita ere ekonomian eta politikan. Bere xedea da irtenbideak aurkitzea arazo sozialentzat eta herritarren bizi-kalitatea hobetzea. SIGeneration erakundeak bultzatzen dituen ekimenen artean aipatzekoak dira: MaRS Solutions Lab, berrikuntza sozialeko laborategi publikoa, non enpresek, administrazio publikoak, GKEek eta herritarren kolektiboek lan egiten duten; eta MaRS Centre for Impact Investing, ekimen sozialentzako finantzaketa eta inbertsio-formula berriak bultzatzen dituen proiektua.

Ekitaldia UPV/EHUko Bizkaia Aretoan egingo da, eta izen-ematea doakoa da. Bizkaiko Foru Aldundiak antolatu du, Gizarte Ekintza Sailaren eta Ekonomi eta Lurralde Garapena Sustatzeko Sailaren bitartez.

Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?