Euskal enpresaren blog-a Zure enpresarentzat garrantzitsua den eguneroko informazioa

21 iraila, 2017
Bizitza berri bat aeronautikako hondakinentzat

Maier enpresak eta Gaiker-IK4 zentro teknologikoak birziklatutako karbono-zuntzez egindako produktu berriak garatzeko proiektu bat amaitu dute
Ikerketak 212.020 euroko finantzaketa izan du

Maier enpresak eta Gaiker-IK4 zentro teknologikoak birziklatutako karbono-zuntzez egindako produktu berriak garatzeko proiektu bat amaitu dute

 

Karbono-zuntza erresistentzia mekaniko handiko material malgu eta iraunkorra da, aeronautikan barra-barra erabili ohi dena. Hondakindegietan bildu ohi diren karbono-zuntzez indartutako material konposatuen soberakinen hazkundeak eraginda, ingurumen eta ekonomia arloko arazo honi aurre egiteko konponbidea bilatzea erabaki zen.

 

Testuinguru honetan, Maier automobilgintzako enpresa bizkaitarrak eta Gaiker-IK4 euskal zentro teknologikoak C-Recycling ekoberrikuntza proiektua osatu dute aurten bertan. Bi eragileek lankidetzan jardun dute, hondakinetan bildutako karbono-zuntza berreskuratu eta automobilgintza sektoreko ekoizpen-prozesuen garapenean txertatzeko asmoz.

 

Ikerketak 212.020 euroko finantzaketa izan du, eta 2016an abiatutako proiektu honen hasieran zehaztutako helburu guztiak bete ditu. Alde batetik, goi-mailako prestazio mekanikoak dituzten osagai arinak eta estetika berriak dituzten piezak garatu dira karbono-zuntzaren birziklapenetik abiatuta, ibilgailu arinagoak eta berrerabilgarriagoak ekoizteko asmoz.

 

Era berean, proiektuak argi utzi du, Euskadin karbonozko konposatuen tratamendu, biziklapen eta konponketarako instalazio bat abian jartzea bideragarria dela ikuspuntu teknikotik zein ekonomikotik. Gaiker-IK4 zentroak ohar baten bidez jakinarazi duenez, azpiegitura honek, lanpostu berriak sortzeaz gain, onura handia ekarriko dio era horretako materialen transformazioko industriari.

 

C-Recycling proiektua Eusko Jaurlaritzako Ingurumen eta Lurralde Politika Sailak Ihobe sozietate publikoaren bitartez onartu dituen zazpi proiektuetako bat da, eta 2016an ekoberrikuntza proiektuei emandako dirulaguntzei atxikita garatu da.

Berrikuntza 18 ekaina, 2021
Michelin: “Lanean ari gara gure lehengai guztiak berriztagarriak izan daitezen 2050ean”

  Euskadin industria-sektore estrategiko bat badago, hori automozioarena da; automozioak...Leer más

Berrikuntza 10 ekaina, 2021
SPRI Taldeak Berrikuntzako doako aholkularitza babesten du Hazinnova programaren bidez.

Industria arloko enpresek eta industriarekin lotutako zerbitzuak eskaintzen dituztenek berriro...Leer más

Euskadiko I+G arloko inbertsioak inoiz baino kopuru handiagoa izango du ekitaldi honetan: 1.607 milioi euro

Euskadiko I+G arloko guztizko gastuak inoiz baino kopuru handiagoa izango du ekitaldi honetan:...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?