Euskal enpresaren blog-a Zure enpresarentzat garrantzitsua den eguneroko informazioa

28 iraila, 2015
Bionostia erretinosi pigmentarioaren aurkako Alemaniako saiakuntza kliniko batean parte hartzen ari da

Erretinosiak ikusmenaren galera eragiten du, eta kausak mutazio genetikorekin lotzen dira
Biodonostia Osasun Ikerketa Institutua

Erretinosi pigmentarioa dugu erretinaren degenerazio hereditarioaren erarik ohikoena. Ikusmenaren galera eragiten du, eta bere kausak hainbat mutazio genetikorekin lotu ohi dira.

Medikuntzaren esparru honetan lanean diharduen Biodonostia Osasun Ikerketa Institutuko Neurodegenerazio Sentsorialeko ikerketa-taldea, Tübingen-eko (Alemania) Unibertsitate Ospitalea buru duen terapia genikoko saiakuntza kliniko batean parte hartzen ari da.

Saiakuntza hau Europan gauzatutako era honetako lehenengoetakoa da, eta honen bitartez, PDE6A genearen mutazioaren ondorioz erretinosi pigmentarioa duten pazienteei, erretinan kaltetutako genearen kopia zuzen baten transferentzia genikoa oinarri duen terapia bat aplikatuko zaie.

Prozedurak eraldatutako bektore biralak erabiltzen ditu (birus adenoasoziatuak edo AAVak), genearen kopia fotorrezeptoreetan txertatu eta ikusmenaren funtzioa berrezartzeko asmoz.

Adituek, bi urteko epean, progresio-irizpide egokiak betetzen dituzten pazienteekin tratamendua abian jartzea espero dute.

Biodonostia erretinosia eragiten duten mutazioak identifikatu eta gaixotasuna hobeto ezagutzea xede duen proiektu bat garatzen ari da, eta ekimen honen bidez, erretinako distrofien arloko nazioarteko erreferentziatzat jotzen den Tübingen-eko zentroarekiko lankidetzaz profitatzeko aukera eskaini nahi die Gipuzkoako pazienteei.

Berrikuntza 18 ekaina, 2021
Michelin: “Lanean ari gara gure lehengai guztiak berriztagarriak izan daitezen 2050ean”

  Euskadin industria-sektore estrategiko bat badago, hori automozioarena da; automozioak...Leer más

Berrikuntza 10 ekaina, 2021
SPRI Taldeak Berrikuntzako doako aholkularitza babesten du Hazinnova programaren bidez.

Industria arloko enpresek eta industriarekin lotutako zerbitzuak eskaintzen dituztenek berriro...Leer más

Euskadiko I+G arloko inbertsioak inoiz baino kopuru handiagoa izango du ekitaldi honetan: 1.607 milioi euro

Euskadiko I+G arloko guztizko gastuak inoiz baino kopuru handiagoa izango du ekitaldi honetan:...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?