Euskal enpresaren blog-a Zure enpresarentzat garrantzitsua den eguneroko informazioa

26 apirila, 2013
Bilbok ostatatutako Imaginenano 2013 topaketak 1.400 bisitari eta 275 negozio kontaktu lortu ditu enpresa topaketen bitartez

– Eusko Jaurlaritzak ekimen bat aurkeztu du euskal industriak baldintzarik onenetan manipulatu eta erabil ditzan nano-materialak eta osasunarentzat eta ingurumenarentzat egon litezkeen arriskuak saihestu daitezen.

Eusko Jaurlaritzako Ekonomiaren Garapen eta Lehiakortasun Sailak ekimen bat aurkeztu du gaur SPRIren Nanobasque estrategiaren bitartez, euskal industriak baldintzarik onenetan manipulatu eta erabil ditzan nano-materialak eta osasunarentzat eta ingurumenarentzat egon litezkeen arriskuak saihestu daitezen. SPRIko zuzendari nagusi Alexander Arriolak Imaginenano nazioarteko ekitaldian aurkeztu ditu ekimen horren ildo nagusiak. Imaginenano azokak 1.400 bisitari baino gehiago erakarri ditu eta balio izan du baita ere 275etik gora negozio kontaktu egiteko, bertan antolatutako enpresa topaketen bitartez.

Hala, Imaginenano azokaren azken jardunaldian abiarazi da Ingurumen, Osasun eta Segurtasun arloetako EHS-Advance Nanozientziaren eta Nanoteknologien Lehiakortasun Zentroa. Ekonomiaren Garapen eta Lehiakortasun Sailak zuzenduko du, GAIKER-IK4, TECNALIA eta IK4-TEKNIKER erakundeen laguntzarekin, eta erraztasunak emango ditu nanomaterialen erabilpena hedatzeko hainbat produktu eta sektore industrialetan, helburutzat harturik material berri horiek behar bezala eta segurtasunez manipulatu, erabili eta prozesatu daitezela produkzio prozesuetan eta osasun eta ingurumen arriskuak saihestu daitezela. 2 milioi euroko aurrekontua onartu da ekimen berritzaile hau garatzeko eta enpresen zerbitzura jartzeko.

Bestalde, SPRI-Enpresa Garapenerako Euskal Agentziako zuzendari nagusi Alexander Arriolak azpimarratu du ekitaldi hau oso positiboa dela enpleguan eta ekonomian izango duen inpaktuagatik. Arriolak adierazi duenez, Europako Batzordeak eginiko azterlanen arabera, 2009tik hona nanoteknologiako produktuen bidez 254 mila milioi dolar lortu dira, eta aurreikuspenek diotenez, kopuru hori 2,5 bilioi dolarrera iritsiko da 2015. urtean. Nanoteknologiaren eragina handia izango da baita ere gizartean, zeren “2015erako bi milioi langile espezializatu beharko dira nanozientzietan eta nanoteknologietan oinarritutako ekimenetan”.

Imaginenano azokak emandako datuen arabera, 1.400 bisitarik parte hartu dute eskainitako jardueraren batean: zazpi hitzaldi zientifiko, 2.800 m²ko azalera enpresa industrialen eta ikerketa zentroen erakusketetarako, lau eguneko jardunaldi tematikoak eta nanoteknologiek sektore anitzetan (energia, osasuna, nekazaritza eta elikadura, eraikuntza, automozioa, ingurumena, osasuna eta segurtasuna, e.a.) dituzten aplikazioen esperientziak, Nanobasque-n industri foroaren markoan antolatuak.

SPRIren standaren eta Brokerage Event edo enpresa topaketen bidez, zientzia eta teknologiako aplikazio berrien erabiltzaileek aukera izan dute kontaktuak eta negozio aukerak, elkarrizketak eta lankidetza proposamenak egiteko eta proiektu bateratuak bideratzeko. Guztira, 275 negozio elkarrizketa egin dira.

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?