Euskal enpresaren blog-a Zure enpresarentzat garrantzitsua den eguneroko informazioa

26 iraila, 2017
Bherria, parte-hartze eredu berriak sustatzen

Bherria programa beraizik zuzentzen zaie tokiko administrazioko arduradun politiko eta teknikoei.

Bherria programa beraizik zuzentzen zaie tokiko administrazioko arduradun politiko eta teknikoei.

 

Bherria proiektua hausnarketa- eta ikaskuntza-prozesu bat da, herritarren parte-hartzerako eta ekintza sozialerako modu berriak sustatu nahi dituena. Ekimen horren xedea da topagune fisikoak eta onlinekoak sortzea jakintza, esperientziak eta eztabaidak partekatzeko, horretarako oinarritzat hartuz abian diren partaidetza eta gizarte berrikuntzako proiektuak.

 

Lehenengo edizio honetan programa beraizik zuzentzen zaie herritarren partaidetzako proiektu bat abian duten -edo abian jartzekotan diren- Euskadiko tokiko administrazioko kargu politiko edo teknikariei. Asmoa da Bherria topaketak baliagarri izan daitezela esperientziak partekatzeko, beste ekimen batzuekin alderatzeko eta ikasitakoa tokiko administrazioaren lan egiteko moduari aplikatzeko.

 

Eusko Jaurlaritzaren Enpleguko eta Gizarte Politiketako Sailaren Gizarte Zerbitzuen Zuzendaritzak bultzatzen du ekimena Boluntariotzaren Euskal Kontseiluarekin lankidetzan, eta badu baita ere gizarte berrikuntzako profesionalen talde bat ekimena dinamizatzeko. Prozesua hiru ardatzetan egituratzen da. Hiru Agora dira, hots, ikaskuntzarako hiru espazio, onlineko plataforma batean eskainiko direnak, eta horietako bakoitza gai bati buruzkoa izango da.

 

Lehenengoa Autokudeaketan eta Prokomunean oinarritzen da eta Colaboraborako Ricardo Antónek emango du. Antónek hizpide hartuko ditu parte-hartzeko, lankidetzako eta kosorkuntzako modu berrien inguruko eredu alternatiboak. Bigarren ardatza SmartCitizen da, eta Ciudades a Escala Humanako Manu Fernándezek koordinatuko du. Fernándezek herritar adimendunak eta hiri adimendunak kontrajarriko ditu. Hirugarren ardatza Entzute eta Komunikazio Digitalaren Agora da. Komunikatikeko Arantxa Sainz de Murietak eta Asier Amezagak emango dute eta sareko komunikazio-modu berriez eta herritarren jabekuntzaz mintzatuko dira.

 

Bherria programaren barruan beste ekitaldi batzuk ere antolatu dira: aurrez aurreko hiru jardunaldi; hainbat bisita, eredu berri horiei lotutako tokiko esperientziak ezagutzeko; eta partaide bakoitzarentzako mentoring pertsonalizatuko topaketak. Prozesua urritik abendura luzatuko da, eta amaitutakoan, gako garrantzitsuenak biltzen dituen agiri bat prestatuko da, inspiratzailea izan dadin proiektu parte-hartzaileetan lanean diharduten beste pertsona batzuentzat.

 

Hona hemen Bherria dinamizatzen duten gizarte berrikuntzako aditu batzuk: Korapilatzeneko Asier Gallastegi, Airea-elearningeko Itziar Kerexeta eta Ziortza Etxabe gizarte ekintzailea.

 

Bherria

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?