Euskal enpresaren blog-a Zure enpresarentzat garrantzitsua den eguneroko informazioa

4 urtarrila, 2018
Berrikuntza soziala enplegua bultzatzeko Europan

Social Innovation Community programak laneratzearen arloko politika europarrak aztertu ditu.
Txostenaren azala.
Txostena eskuragarri dago Social Innovation Community programaren atarian.

 

Social Innovation Community programak laneratzearen arloko politika europarrak aztertu ditu

Europar Batasunaren erronka handienetako bat da enplegua sortzea, batik bat, egoera kalteberan dauden kolektiboentzat, gazteentzat eta kualifikazio baxuko pertsonentzat. 2020 estrategiaren helburuetako bat da 20 eta 64 urte bitarteko herritarren %75ek lana izan dezatela, eta hori lortzeko, gero eta garrantzitsuagoak dira berrikuntza sozialarekin lotutako ikuspegiak.

 

Horizontea 2020 estrategiaren baitan finantzatutako Social Innovation Community programa europarrak ikerketa bat argitaratu berri du, non enpleguari lotutako berrikuntza sozialeko hainbat proiektu aztertu baititu. Azterlanaren helburua da detektatzea nola babesten dituen Europar Batasunak horrelako ekimenak eta gomendioak ematea beren potentziala ahalik eta gehien aprobetxatzeko.

 

Txostenak bere baitan jasotzen ditu lurralde desberdinetan abiarazitako eta Europako funtsen bidez finantzatutako bost proiektu. Frantziako Garantie Jeunes da horietako bat. Estatu mailako programa bat da, zeinaren helburua baita gizartean integratzea egoera kalteberan dauden gazteak, hots, ikasten ari ez direnak eta lanik egiten ez dutenak. Proiektu hori “lehendabizi enplegua” printzipioan oinarritzen da, hau da, lanpostu bat eskaintzen da hasieratik eta prestakuntzarekin konbinatzen da, egiaztatu baitute alderantzizko ereduak baino emaitza hobeak ematen dituela.

 

HomeLab da aztertutako beste ekimen bat, zeina abian baitago Europa erdialdeko hainbat herrialdetan, alegia, Polonian, Eslovakian, Txekiar Errepublikan eta Hungarian. Programak ikuspegi bateratu batetik lantzen ditu pobrezia eta etxebizitza duinik eta lan arloko aukerarik eza, askotan hertsiki loturik baitaude elkarrekin. Hala, proiektuak elkarrekin uztartzen ditu gizarteratze eta enplegu politikak, premia horiek batzen dituzten zerbitzuak eskainiz eta GKE, administrazio nahiz enpresen parte-hartzearekin. Portugalgo gobernuaren Portugal Social Innovation ekimena ere aipatzen da azterlanean. Kasu honetan, inbertsio- eta finantzaketa-eredu desberdinak eskaintzen dira ekintzailetza soziala sustatzeko.

 

Social Innovation Community programaren azterlanean azpimarratzen denez, Europar Batasunak finantzatutako berrikuntza sozialak ikuspegi berrietan oinarritzen dira eta beste politika sozial batzuekin konektatzen dute enplegua. Sektore anitzen arteko lankidetza bilatzen dute (gizarte zibila, gobernuak, eta baita ere beste eragile batzuk, hala nola, ikerketa zentroak edo akademiak) eta, horrezaz gain, rol tradizionalak aldatzen ari dira onuradunen ordez agente aktiboak sustatzeko. Bestalde, aztertutako kasu gehienek ez dituzte desafiatzen lehendik existitzen diren sistemen oinarriak; egileek diotenez, Europako programen finantzaketa-eskalarekin posible izango litzateke aldaketa disruptiboagoak dakartzaten berrikuntzak bultzatzea.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?