Euskal enpresaren blog-a Zure enpresarentzat garrantzitsua den eguneroko informazioa

28 iraila, 2015
BCBL-ak dislexian irakurtzeko zailtasunen jatorria azaldu du

Nicola Molinaro, ikerketaren burua

Basque Center on Cognition, Brain and Language (BCBL) euskal ikerkuntza zentroak, dislexikoek irakurtzeko orduan dituzten zailtasunak, maiztasun handiko soinuentzako sentikortasun gutxiago batekin, hau da fonemei dagozkienekin erlazionatuta daudela ezagutzera ematen duen ikerlan bat garatu du.

Ikerketaren emaitzak, dislexiaren jatorria azaltzeko hipotesi sendoenetariko bat bermatzen du, gaitz hau dutenek irakurtzen ikasteko dituzten oztopoak, soinuak irudikapen grafikoarekin asoziatzeko ezintasunarekin erlazionatzen duen hipotesia, hain zuzen ere.

BCBL-n Ikerbasqueko ikertzaile Nicola Molinaro buru den ikerkuntza, neuroirudi teknika aitzindarietan oinarritzen da eta bere helburu nagusia, garun- makineria, uhin- frekuentzia desberdineko soinuen prozesatzean nola funtzionatzen duen behatzea izan da.

Hizkuntzan, maiztasun gutxiko uhinak (2 eta 7 hertz artekoak) azentuari, mintzairari eta intonazioari dagozkie. Bien bitartean, informazio fonemikoa –letren soinuak ematen dituena- maiztasun handiko uhinen bitartean ematen da (30 eta 60 hertz bitartean).

BCBL-en ikerketaren arabera, umeak are sentikorragoak dira maiztasun gutxiko uhinei eta, hazten diren heinean, fonemak, hizkuntza baten soinuen gutxieneko unitateak bereizteko gaitasun handiago bat eskuratzen dute. Beste hitz batzuetan, entzumen- seinalean aldaketak denbora laburragoan identifika ditzakete.

Ikerlanak azaldu duenez, dislexikoen kasuan ez da goi- maiztasunak prozesatzeko gaitasunaren optimizazio prozesurik ematen. Letra eta ordezkatzen duten soinuen arteko asoziazioa honela, are latzagoa gertatzen zaie.

“Irakurmena prozesu konplexua da, letra bat, ordezkatzen duen soinuarekin erlazionatzeko gaitasuna behar duena eta eginkizun hori latzagoa da, fonemaren identifikazioak zehaztasun nahikorik ez duenean”, azaldu du Molinarok.

Hiru urte iraun duen eta Human Brain Mapping aldizkari espezializatuan argitaratu den esperimentua, adin desberdinetako eta uhin frekuentzia desberdinen soinu estimuluen eraginpean egon ziren dislexiko eta dislexiko ez diren (kontrol taldea) taldeekin egin zen.

Adituek magnetoenzefalografia erabili dute, garun-jarduera abiadura oso handian detektatzeko aukera ematen duen teknika ez- inbasiboa.

BCBL-ren aurkezpena

Berrikuntza 28 maiatza, 2020
Euskal enpresek SPRI Taldearen Berrikuntza eta Nazioartekotze laguntzak eskuratu ahal izango dituzte ekainaren hasieran

Laguntzak aste honetan eskuratu ahal izango dira, EHAAn argitaratu ondoren. SPRI Taldeak...Leer más

Bexen Medical se convertirá en las próximas semanas en una de las mayores productoras de mascarillas del Estado
Berrikuntza 25 maiatza, 2020
Bexen Medical enpresa gipuzkoarra Estatuko maskara ekoizle handienetako bat izango da

Hain da handia eskaera, non enpresara deitzerakoan  ahots batek inportatu dituzten maskara...Leer más

Berrikuntza 22 maiatza, 2020
Elkarrizketa Mondragon Korporazioko presidente Iñigo Ucínekin

  Pobretze handiagoaren eta langabeziaren hazkundearen benetako mehatxuaren aurrean,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?