Euskal enpresaren blog-a Zure enpresarentzat garrantzitsua den eguneroko informazioa

14 martxoa, 2017
Aurrera eginez Eraldaketa Sozialerako Hezkuntzarantz

Dokumentuak aldaketa bultzatzeko 16 ideia jasotzen ditu.

(H)ABIAN 2030 prozesu parte-hartzaile baten ostean sortutako esparru estrategiko bat da.

 

Eraldaketa Sozialerako Hezkuntzak justiziaren sustapena, desberdintasunak desagerraraztea, bizitzen sostengarritasuna, elkartasuna eta hiritarren parte-hartzea bultzatzen ditu. Ikuspegi horri jarraiki sortu da (H)ABIAN 2030. Erakunde publikoei, gobernuz kanpoko erakundeei eta mugimendu sozialei zuzendutako esparru estrategiko bat da, bere bitartez bultzatzeko Giza Eskubideetan oinarrituago dagoen gizarte bat eraikitzeko politikak eta ekimenak.

 

Dokumentua prozesu parte-hartzaile batetik abiatuta egin da, non Eusko Jaurlaritzak parte hartu zuen bultzatzaile gisa, bai eta hiru Foru Aldundiek, udalek, GKEek eta hezkuntzarekin nahiz garapen sostengarriarekin lotutako bestelako eragileek. Gaurtik hasi eta 2030era bitartean, asmoa da estrategiarekin bat egin duten erakundeek beren ekintzetan txerta ditzatela (H)ABIAN dokumentuan jasotako printzipioak.

 

Eraldaketa Sozialerako Hezkuntzaren Euskal Estrategiak hainbat printzipio hartzen ditu oinarritzat, hala nola, Iparra-Hegoa binomioaren ordez Lokal-Global ikuspegia barneratzea, kontuan har daitezen erabakiek maila lokalean eta globalean dituzten inpaktuak. Era berean, hezkuntza-prozesu kritiko, sortzaile eta integratzaileak sustatzen dira ikuspegi politiko-pedagogikoen eta hainbat eragileren (ez bakarrik garapenaren eta elkartasunaren esparruetakoak) parte-hartzearen bidez.

 

(H)ABIAN 2030 prestatzeko prozesu parte-hartzailea 2015aren amaieran hasi zen, kolektibo desberdinen lankidetza izanik eta ekarpenak bilduz. Azken dokumentua, berriz, Garapenerako Lankidetzaren Euskal Agentziak aurkeztu zuen martxoaren 3an. Dokumentuarekin bat egin duten instituzio, erakunde eta kolektiboek konpromisoa hartu dute Eraldaketa Sozialerako Hezkuntzaren printzipioak integratzeko eta berau lortzen saiatzeko ekintza planen eta baliabide espezifikoen bidez, horretarako parte hartuko dutelarik (H)ABIAN 2030 ekimenaren barruan abiarazitako jarraipen eta ebaluazio batzordeetan.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?