Euskal enpresaren blog-a Zure enpresarentzat garrantzitsua den eguneroko informazioa
29 uztaila, 2015

6 arrazoi UPV/EHUko MBAe3 Ekintzailetza eta Enpresen Zuzendaritzako Masterra egiteko

Universidad del País Vasco/Euskal Herriko Unibertsitatearen MBAe3 master berria 2015eko urrian hasiko da Bilbon, enpresa bat edo bestelako antolakunderen bat zuzendu nahiz sortu nahi duten pertsonei zuzendutako programa batekin. Gradu-ondoko honek bi helburu ditu: gazteen jabekuntza ahalbidetzea eta Bizkaiko ekonomian trakzio indarra izango duten proiektuak lideratzea. Horregatik, matrikulatuko diren pertsonek ez dute esperientzia izan beharrik enpresa proiektuetan.

Master honek bidea erraztu nahi die hartan interesatuta dauden ikasle guztiei eta, horregatik, matrikula hiru mila eurokoa izango da, maila bereko beste master batzuena baino askoz ere gutxiago. Prezio horren barruan sartzen dira praktika profesionalak egitea Euskal Autonomia Erkidegoko enpresa sendoetan nahiz sortu berrietan, eta ERASMUS+ bekak Europar Batasuneko startup-etan praktikak egiteko.

 

 

 Zergatik MBAe3 master hau? 

 

1. Hautatutako ikasleei irakatsi egingo zaielako ekonomikoki bideragarriak diren proiektu berritzaileak garatzen eta zuzentzen, bai finkatutako enpresei begira, bai negozio berriak sortzeari begira enpresa-sare zabal batean benetako praktikak eginez.

 

2. Ikasleek beren proiektuen bitartez ikasiko dutelako merkatuan dauden gabeziak detektatzen, beren enpresa planifikatzen negozio izan dadin, behar den komunikazio kanpaina egiten, lege-markoa ezagutzen, eta negozioa errentagarri egiteko aukera teknologikoak identifikatzen.  Hori guztia, bakarkako eta taldekako tutoretza saioen laguntzarekin.

 

3. Programak mentalitate ekintzailea landuko duelako elementu hauetan oinarritutako metodologia baten bidez: irakasleen aurkezpen interaktiboak, enpresak sortu eta zuzentzeko simulazio-dinamikak (Business game), kasuen metodoa (benetako enpresa esperientziak) eta Master amaierako Lana (Business Plan/Elevator Pitch).

 

4. Prestakuntza jasotzea eta ikastea errentagarria delako lan aukerak lortzerakoan, eta MBAe3 kalitatezko prestakuntza jasotzeko plataforma bat bezala proposatzen da, itzal handiko diziplina anitzeko irakaslez osatutako talde batekin. Horrez gain, beste gazte ekintzaile batzuen esperientziak ere baliatuko dira, talentua indartzeko garaian inspirazio-iturri izan daitezen.

 

5. Ikasturte osoan hizlari sorta  garrantzitsu batek parte hartuko duelako, eta beren hitzaldiak prestakuntza-erreferentzia izango direlako hala ikasleentzat nola Bizkaiko ekintzailetza-sare osoarentzat.

 

6. Prestakuntza praktikorantz bideratuta dagoenez, MBAe3 masterra aukera bikaina delako praktikak eta egonaldiak egiteko EAEko nahiz Europar Batasuneko enpresa sendoetan eta startup-etan. ERASMUS + (15 beka).

 

Programari, helburuei, irakasleei eta irakaskuntza-ikaskuntza metodologiari buruzko informazio guztia Interneten eskuratu daiteke.

Informazio gehiago nahi baduzu, jarri gurekin harremanetan mbae3@ehu.eus posta elektronikoan
• Izen-emate eta matrikula epea
• Matrikulak zabalik jarraituko du irailaren 1etik 18ra.
• Harremanetarako telefonoak: 946 013 708/09
• Bloga: http://www.ehu.eus/ehusfera/ekin/
• Jarrai gaitzazu Facebook eta Twitter sare sozialetan

La CE aumenta la financiación de proyectos de innovación e investigación sobre coronavirus a través del Horizon 2020
Berrikuntza 30 martxoa, 2020
Europako Batzordeak koronavirusari buruzko berrikuntza eta ikerketa proiektuen finantzaketa handitu du Horizon 2020ren bidez

Europako Batzordeak Horizon 2020 programa eguneratu du koronabirusarekin lotutako ikerketa eta...Leer más

Berrikuntza 25 martxoa, 2020
Telelana errazteko gakoak eta baliabideak

Laneko osasun aholkuak eta teknologia digital berriak aprobetxatzeko tresnak   Egunotan...Leer más

Aitziber L. Cortajarena, investigadora de Ikerbasque
Berrikuntza 24 martxoa, 2020
Bio-LED belaunaldi berri bat garatzeko asmoarekin nazioarteko proiektu batean hasi da elkarlanean CIC biomaGUNEk

Naturak argia sortzen du. ‘Aequorea victoria’ marmoken kasuan, proteina fluoreszente batek...Leer más

ITP Aero investiga
ITP Aerok etorkizuneko propultsio sistemak ikertzen ari da

Motor hibrido elektrikoetan lan egiten duen statuko enpresa bakarra da eta enpresen eraldaketa...Leer más

Berrikuntza 12 martxoa, 2020
“EATendencias” txostenak elikaduraren etorkizuna markatuko duten indarrak identifikatu ditu

AZTI Tecnalia-k eginiko azterlan hori Europako EIT Food proiektuaren barruan kokatzen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?