Euskal enpresaren blog-a Zure enpresarentzat garrantzitsua den eguneroko informazioa

13 maiatza, 2013
2012an SPRIk 19 milioiko laguntzak eman zituen euskal enpresak indartu eta hedatzeko

– SPRI Taldearen memorian jasota daude Euskadiko Arrisku Kapitalaren Kudeaketa Sozietateak (AKEKS) sustatutako laguntza planak, zeinak 15 inbertsio egin baitzituen Euskadiko enpresa sarean.
– Invest in the Basque Country arloak, atzerriko inbertsioak erakartzeko sortu zenak, 44 proiektu kudeatu zituen iaz eta 200 enplegu berri sortuko dituzten lau inbertsio zehaztu zituen.

Ekonomiaren Garapen eta Lehiakortasun Sailaren menpeko SPRI-Enpresen Garapenerako Euskal Agentziak iaz ere jarraitu zuen euskal enpresei indartzen eta hedatzen laguntzeko betetzen duen zereginarekin. SPRI Taldearen 2012ko memoriak dio 19.065.000 euroko 15 inbertsio egin zirela, Euskadiko Arrisku Kapitalaren Kudeaketa sozietatearen bitartez.

Eragiketa horietan aldi-baterako partaidetza minoritarioa eskuratzen da ETEen, enpresa berrien edo hedatzen ari diren konpainien kapital sozialetan, baldin eta kotizazio ofizialik ez badute, finantzarioak ez badira eta etorkizuneko proiektu bideragarri bat badute.

Horrela, egonkortasun ekonomiko-finantzarioa ematen zaie enpresei. Arrisku Kapitalaren Kudeaketako sozietatea 1985ean sortu zen eta Eusko Jaurlaritza du akziodun nagusi SPRIren bitartez. Kutxabank eta Mondragon Taldeak ere partaidetza minoritarioak dituzte sozietatean.

Iaz 11 desinbertsio egin ziren (aurreko urteetan onartu eta dagoeneko laguntza publikorik behar ez duten proiektuak) eta ia 14 milioi euro berreskuratu ziren.

Proiektu horien finantzaketaren berri emateaz gain, SPRI Taldearen memoriak beste alderdi batzuk ere aipatzen ditu: hala nola, jarduera ekonomikoetarako dagoen lurzoru eskaintza; enpresek teknologian, berrikuntzan, ekintzailetzan eta informazio gizartean inbertitzeko dituzten laguntza programa eta zerbitzuak (40 bat guztira); eta nazioartekotzeari laguntzeko egiten den lana, 60tik gora herrialdetara hedatzen den SPRIko kanpo sare zabalean oinarrituta dagoena.

Nazioartekotzearen arloan ere jarduera garrantzitsuak egin dira, eta hain zuzen nazioartekotzea da Ekonomiaren Garapen eta Lehiakortasun sailburu Arantza Tapiak krisiari aurre egiteko iragarri duen lehentasunetako bat. SPRIk Invest in the Basque Country arloa abiarazi zuen 2010ean, zuzeneko atzerriko inbertsioak erakartzeko. Arlo horrek 44 proiektu kudeatu zituen iaz eta 200 bat lanpostu sortuko dituen lau inbertsio zehaztu zituen.

Gainera, teknologiaren arloan 160 milioi euro inbertitu ziren enpresa proiektu teknologikoei emandako diru-laguntzen bitartez eta 1.000 euskal konpainia inguruk baliatu zituzten laguntza horiek. Programen artean aipatzekoak dira, besteak beste, Gaitek (produktu orijinalak garatzeko I+G proiektuetara bideratua), 42 milioi euro eman dituena 780 enpresari laguntzeko; Etorgai (Euskadin trakzio indarra egingo duten industria-ikerketa proiektuak), 39,5 milioi bideratu dituena 206 enpresa bultzatzeko; edota Etortek (Zientzia, Teknologia eta Berrikuntzarako Euskal Sarearen bidezko lankidetza proiektuak), 26,5 milioi eman dituena bederatzi proiekturi laguntzeko.

Javier Calleja, CEO Solaris
Berrikuntza 3 uztaila, 2020
“Azken hilabetetako egoerak emisiorik gabeko mugikortasunerako trantsizio are azkarrago batera bultzatu beharko gintuzke”

Mugikortasun iraunkorra da haien ikur aipagarrienetakoa. Jesus Calleja Solaris Bus &...Leer más

Irailean bezeroarentzako arreta zenbakia doan izatera pasatuko da: 900 92 93 93

Datorren irailaren 1etik aurrera SPRIko bezeroaren arretarako telefonoa doakoa izango da eta 900 92...Leer más

EIC Europako Berrikuntza Azeleratzaileak Europa osoko enpresarik berritzaileenak aukeratzen ditu

  EIC Europako Berrikuntza Azeleratzaileak Europan berrikuntza eta I+G bultzatzen duen tresna...Leer más

Berrikuntza 2 uztaila, 2020
SmartCompo, azpi-produktu organikoak balioan jartzen dituen teknologia berritzailea

  Enpresa gipuzkoarrak 2020ko Europako Ingurumen Sarietako bat irabazi...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?