Euskal enpresaren blog-a Zure enpresarentzat garrantzitsua den eguneroko informazioa

20 ekaina, 2016
Berrikuntza sozialeranzko 10 joera

Frantziako hiru gazte ekintzailek urtebeteko bidaia bat egin zuten 2015ean Europan barrena, berrikuntza sozialeko proiektu inspiratzaileenak ezagutzeko. Ekimen horiek, Europe Tomorrow web orrian daude, asmoa baita ekimenak ezagutaraztea, eta haien arteko konexioak bideratzea. Proiektu honen atzean dagoen filosofiak helburutzat dauka Europa osoan loratzen ari den berrikuntza soziala erakustea, garapen-eredu sostengarriagoak sustatzeko etorkizunari begira.

Hiru gazte horiek ogei herrialdetan izan dira, eta berrikuntza sozialeko hirureun ekimenetik gora jaso dituzte, 14 arlotan banatuta: hezkuntza, finantzak, nekazaritza, klima, enplegua, osasuna… Europe Tomorrow proiektuko lantaldeak hogeitamabi proiektu aukeratu ditu Estatuan, besteak beste, Ner Group, Mondragon Team Academy, Somenergia, EntrePatios eta Makers of Barcelona.

Bidaian zehar, berrikuntza sozialaren hedapenarekin lotutako 10 joera global ere identifikatu dituzte. Lehenengoa da gero eta balio handiagoa ematen zaiola proiektu publiko nahiz pribatuen balio sozialari, eta ekonomia zirkularra, ekintzailetza soziala edo kontsumo kolaboratiboa erabiltzen direla eredu gisa.

Hona hemen beste joera batzuk: tokian tokiko komunitateak gero eta sarriago inplikatzen dira; erronka sozialak ugaritu egin dira, ohiko inguruneetatik harago konponbide berriak bilatzeko; eta gero eta gehiago baloratzen dira ezagutza partekatua eta heldutasun digitala, biek batera hiritarren jabekuntzarako bidea errazten dutelako. Bestalde, enpresen estrategien muinean EES sartu izanak eta proiektu sozialak finantzatzeko bide berriak agertu izanak berekin ekarri dute horrelako ekimenak hedatzea, eskala txikian bada ere.

Europako Batzordeak eta eragile publiko nahiz pribatuz osatutako sare batek babesten dute Europe Tomorrow proiektua. Proiektuaren hurrengo urratsa da esparru bakoitzeko adituak inplikatzea, bide berriak bilatu nahi direlako ekimenak elkarri konektatzeko eta eskalatzeko. Xedea da kolaboratiboki sortzea etorkizuneko erronka sozialei, ekonomikoei eta ingurumenekoei erantzungo dieten konponbideak.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?