Euskal enpresaren blog-a Zure enpresarentzat garrantzitsua den eguneroko informazioa
7 apirila, 2017

Ibermáticak datuen kudeaketaren aldeko apustua egin du enpresen lehiakortasuna hobetzeko

Ihardunaldiaren momentu bat.

Konpainiak 4.0 Industriari buruz antolatu duen jardunaldiak agerian utzi du “big data” konponbideak inplementatu behar direla produkzio prozesuak hobetzeko

200dik gora lagun -batez ere Gipuzkoako ETEetako arduradunak- bildu ziren Ibermáticak 4.0 Industriari buruz Donostiako Kursaalen antolatutako jardunaldian. Hizlariek balioan jarri zituzten produkzio prozesuak aldatu dituzten berrikuntza teknologikoak, eta batez ere hizpide hartu zuten datuen erabilpena eta analisia, enpresen lehiakortasuna hobetzeko tresna gisa.

 

Joseba Ruiz de Alegríak, Ibermática enpresako zuzendari nagusiak, gogora ekarri zuen konpainiak 44 urtez egin duen lana, bai eta azken hiru urteotan Fabrikazio Aurreratuarekin hartua duen konpromisoa. Denbora horretan, eskaintza bat lortu dute “industriarentzat paregabea dena eta gai dena elkarrekin biltzeko 4.0 Industriako prozesu batean hasieratik amaieraraino sar daitezkeen zerbitzu guztiak ”, esan du Ruiz de Alegríak.

 

Bestalde, Alberto Sotomayorrek (Ibermáticako Industria Saileko Analytis garapenaren arduradunak) xeheki azaldu zituen Ibermáticak eskuartean dituen “big data” proiektu batzuk. Horrezaz gain, azpimarratu zuen beharrezkoa dela sentsoreen bidez prozesu desberdinetako datuak biltzea, lehenbizi datu horiek aztertzeko eta ondoren makinen funtzionamendua aurreikusteko edo OEE prozesuak optimizatzeko eta, bide horretatik, produkzioa eraginkorrago egiteko. Datu horiek iturri askotatik erator litezke, esaterako, makinetan instalatutako sentsoreetatik, piezen trazagarritasunak emandako informaziotik edota sistema informatikoetatik.

 

Alemaniako eredua

Ondoren, mahai-inguru batean aztergai izan zituzten fabrikazioan “big data” konponbideak ezarri dituzten kasu arrakastatsu batzuk. Ternua, Ibarmia, Pierburg eta beste konpainia batzuetako arduradunek aipatu zuten bat egin beharra dagoela 4.0 Industriaren “olatuarekin”, lehiaren erronkei aurre egiteko. Euren iritziz, “ezin da lehiatu produktu merkeagoekin, produkzioa merkeagoa delako beste herrialde batzuetan. Kalitate handiagoko produktuak fabrikatu behar dira, eta horretarako zorrotz kontrolatu behar dira produkzio sistemak”. Eztabaidan, agerian geratu zen hobekuntzako eta berrikuntza teknologikoko prozesuek etengabeak izan behar dutela, enpresa bat zaharkitua gelditu baitaiteke denbora oso gutxian. Mahai-inguruan orobat hizpide hartu ziren datuak aztertzeko teknologiak ezartzearen kostuak, datu horien babesa edota langileen gaikuntza.

 

DPS multinazional alemaneko arduradun Josef Kammermeier-en hitzaldia izan zen jende gehien bildu zuenetako bat. Kammermeier-ek Alemaniako ETEen egoera aztertu zuen eta Fabrikazio Aurreratuarekin hartua duten konpromiso mailaz mintzatu zen. Horri esker, irabaziak lortzen ari dira produktibitatean, salmenta-mailak hobetu dituzte, eta datozen 10 urteetan enplegua ehuneko 6 inguru handitzea espero dute. 2006tik Alemaniako agintariek jarrera ona erakutsi dute industrian teknologia berriak bultzatzeko, eta jarrera horixe da hango 4.0 Industria ereduaren oinarrietako bat, zeina gaur egun erreferentziazkoa baita mundu osoko herrialde eta eskualdeentzat.

 

4.0 Industriari buruzko jardunaldia bukatzeko, Industri arloko Berrikuntzaren sariak banatu ziren. Aurtengoak Prosertek eta Microdeco enpresentzat izan ziren.

 

 

 

 

 

 

Basque Industry 4.0 6 apirila, 2020
Optimus 3D: “Krisi honekin, fabrikazio aurreratuak adin nagusitasuna erdietsi du”

Optimus 3D euskal enpresak bere 3D fabrikazioaren zati bat egokitu du, eta maskara gardenak edo...Leer más

Ivan Mateos, Zitu enpresako zuzendari komertziala
ERIS, makina-erremintaren produkzioa hobetzeko plataforma

Zitu enpresa gipuzkoarrak software bat garatu du makinen datuak eraginkortasunez atzemateko kontrol...Leer más

Basque Industry 4.0 4 apirila, 2020
Eragile ekonomikoek positiboki hartu dute Deep Dive – 4.0 teknologietan murgiltzeko jardunaldien aurkezpena

Joan den apirilaren 1ean, Basque Digital Innovation Hub erakundeak 4.0 teknologietan murgiltzeko...Leer más

Basque Industry 4.0 2 apirila, 2020
384.000 robot industrial eta gizaki-robot lankidetza Euskadin

4.0 konponbide robotikoak, elkarlaneko fabrikazio malgua bermatzeko. Gure robotikaren hilabetearen...Leer más

Jaso y Tecnalia convierten grúas industriales en robots
Basque Industry 4.0 31 martxoa, 2020
Garabi industrialak robot bihurtu dituzte Jasok eta Tecnaliak

Garapen berriak aukera ugari ematen ditu eskuzko prozesuak eta doitasun-prozesuak automatizatzeko,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?