Euskal enpresaren blog-a Zure enpresarentzat garrantzitsua den eguneroko informazioa

2 urria, 2017
Dagoeneko 1.000 lagun baino gehiagok eman dute izena “Basque Industry 4.0”ren laugarren edizioan, oraindik hilabete eta erdi falta denean ekitaldirako

“Basque Industry 4.0-The Meeting Point 2017” ekitaldia Kursaalen egingo da azaroaren 22an.

“Basque Industry 4.0-The Meeting Point 2017” ekitaldiak, Euskadin 4.0 Industriaren arloan erreferentziazkoa denak, bere laugarren edizioa beteko du aurten eta Kursaalen egingo da azaroaren 22an. Azken edizio honek sekulako harrera izan du enpresen, teknologi zentroen, klusterren, unibertsitateen eta Zientzia eta Teknologiaren Euskal Sareko agenteen artean. Horren erakusgarri da jadanik mila izen-emate bildu dituela, ekitaldirako oraindik hilabete eta erdi falta denean. Dagoeneko zabalik dago ekitaldirako izen-ematea www.spri.eus webgunean.

 

Ekonomi Garapen eta Azpiegitura Sailak SPRI Taldearen bitartez antolatzen duen Basque Industry 4.0 ekitaldiak elkarrekin konbinatzen ditu punta-puntako hitzaldiak, kasuen aurkezpenak, tailerrak, elkarrizketak, mahai-inguruak, erakusketak eta erakustaldi-gune bat.

Ikusi egitaraua

 

Hala, kongresuan osoko bilkurak eta aldi bereko saioak egingo dira, erakusketa-gune zabal bat egongo da 4.0 teknologiak eskaintzen dituzten enpresentzat, beste gune bat tailerrentzat, 4.0 industriarako konponbideen “gamifikazioarekin” esperimentatzeko txoko bat eta networking-gune bat.

 

Hitzaldien bidez, bertaratuek hurbiletik jarraituko dituzte 4.0 estrategiaren aurrerapenak, bai eta martxan jarritako ekintza garrantzitsuenak eta orain arte eskuratutako emaitzak.

 

Bestalde, Basque Industry 4.0 topagunea bereziki diseinatuta dago ezagutzak partekatzeko, beraz, egitaraura bildutako ekitaldi guztietan sustatuko dira elkarrizketa, iritzi trukea, entzute aktiboa, enpresa arteko lankidetza eta networking-a.

 

Hona hemen Basque Industry 4.0 ekitaldiak eskaintzen duena:

  • Euskadiko industriako aditu garrantzitsu zenbaiten ikuspegia.
  • Teknologien etorkizuneko joerak eta aurreikuspenak.
  • Industria aplikatu duten kasuak automozio, aeronautika, makina-erreminta eta energia sektoreetan.
  • Industriarako konponbide teknologikoak: Cloud Computing-a, Robotika kolaboratiboa, Sistema ziber-fisikoak (CPS), Errealitate Birtuala eta Handitua, Ziber-segurtasun industriala, Sentsorika, Gizon–Makina interfaze aurreratuak, Datu industrialen analitika (Big Data), Fabrikazio gehigarria.
  • BIND 4.0 programako industria eta startupen arteko lankidetza-proiektuen aurrerapenei buruzko aurkezpenak.
  • Esperimentazioko tailer praktikoak, enpresetan erabiltzen diren gamifikazio teknologiak aplikatuz.
  • Erakusketa-gune bat 4.0 Industriarako konponbideak eskaintzen dituzten euskal enpresentzat.
  • Eta toki egoki bat 2017ko Networking 4.0 saio handiena egiteko.

 

“Industria 4.0 terminoak 4. iraultza industriala adierazten du. Antolakuntza eta kontrol maila berri bat, arlo guztietara hedatzen dena: eskaeretatik hasi eta produkziora, entregara, euskarrira, mantenimendura eta azken birziklapenera”. 4. iraultza industrialaren oinarria da informazioa modu adimentsuan atzematea eta lantzea denbora errealean balio-katea osoan eta produktuen eta produkzio-sistemen bizi-ziklo osoan, horrela erantzuteko bezeroen pertsonalizazio eskaera gero eta handiagoari.

 

“Basque Industry 4.0. The Meeting point 2017” prozesu industrialak optimizatzeko balio duten EIKT tresnetan zentratutako ekitaldi bat da. Diseinurako, garapenerako, produkziorako, logistikarako eta fabrikazioaren kudeaketa integraturako tresna adimendunak. Ekitaldia hiru aldiz egin da orain arte, eta dagoeneko topagune sendo bihurtu da, goraka ari delarik bere zifra guztietan.

 

Basque Industry 4.0 30 uztaila, 2020
SPRI taldeak lideratutako adituen nazioarteko taldeak aztergai du nola eragin dion osasun-krisiak emakumeen egoerari industrian

11 herrialdetako 17 adituk, SPRI Taldeak lideraturik bere Ekimen Estrategikoetako arduradun...Leer más

First Lego League España
Basque Industry 4.0 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Autoescuela Tawity
Errealitate birtualeko eskolekin eta ibilgailu elektrikoekin, autoeskolen etorkizuna Euskadira heldu da

Tawity izeneko start-upak errealitate birtualeko teknologia eta ikuspegi ekologikoa batu ditu...Leer más

Basque Industry 4.0 27 uztaila, 2020
171 euskal enpresak 1,3 milioi euroko laguntzak jasoko dituzte zibersegurtasun industriala bultzatzeko

  SPRI Taldeak kudeatutako programa honen hirugarren edizioak 3,3 milioi euroko inbertsioa...Leer más

Mondragon Unibertsitatea y Open Cloud Factory impulsan un nuevo laboratorio de Industria 4.0, abierto a empresas

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?