Bereikerrek tren-bagoiak soldatzeko prozesua abiarazi du ‘cobot’ bat gehituz

1998az geroztik, Bereikerrek automatizazio-soluzio pertsonalizatuak eskaintzen ditu, bezeroei denbora, segurtasuna eta ergonomia bermatzeko ekoizpen-prozesuetan. “Era guztietako prozesuak automatizatzen ditugu, baina, oro har, bezeroek gure zerbitzuak eskatzen dituzte ohiko moduan konpondu ezin den arazo bat dutenean. Prozesu horietan, landu beharreko piezak zenbait arrazoirengatik nabarmentzen dira: morfologia konplexuagatik, tamaina handiagatik, tamaina txikiagatik, etab. Hau da, prozesu zailak dira”, adierazi du Iñaki Balanzategi Bereikerreko presidenteak.

Gainera, enpresak aukera ugari eskaintzen ditu: piezari eusteko modua automatizatzen du, piezaren manipulazioa (iraulketa, altxatzea), pieza azken produktuan mihiztatzeko prozesua, eta abar. “Eskaintzen ditugun soluzio guztiek helburu bera dute: gure bezeroen ekoizpen-plantak eraginkorragoak eta seguruagoak izatea”.

Automatizazioko azken soluzioetako bat tren-bagoiak soldatzeko prozesuan aplikatu dute, Rivabellosako (Araba) Talgoren lantegian elkarlaneko robot bat (cobot ere deitua) sartuz. Soluzioak bagoiaren zatiak irmotasunez eta zehaztasunez kokatzen dituen amarratze-sistema bat du. Zati guztiak behar bezala kokatuta daudenean, cobotak, ikuspen bidezko gidaritza-sistema baten bidez, soldadura automatikoki osatzen du. “Prozesu hori ez da ohikoa trenbideen sektorean. Erronka handia izan da guretzat, eta denbora errekorrean egin ahal izan dugu”, azpimarratu du Bereikerreko presidenteak.

Arabako enpresak sektore askotarako egiten du lan. Sortu zenetik, estanpazio-, mekanizazio-, soldadura- eta kontrol-prozesuak automatizatzera bideratu dira bere konponbide gehienak. Gaur egun, ordea, garatzen dituzten soluzioen tipologia industria mota askotan txerta daiteke. “Elkarlaneko robotikak, adibidez, medikuntzan, hezkuntzan, elikaduran eta industrian du esparrua. Sektore guztietan daude automatizatu daitezkeen prozesuak”, esan du.

Gainera, bere negozio-eremua nazionala bada ere, bere bezeroek mundu osoan zehar dituzten ekoizpen plantetan presente daude Bereikerren soluzioak, hala nola: Txekian, Txinan, Mexikon, Saudi Arabian…

Berrikuntza nortasun-ezaugarri bezala

Bezeroei eskainitako soluzioek teknologiarik aurreratuena dute. “Berrikuntza ere gure nortasun zigilua da. Aldaketak egitera irekita dagoen erakundea gara, eta teknologian zein giza baliabideetan inbertitzearen garrantziaz fidatzen gara. Gure lan-taldea, gaur egun 26 lagunek osatzen dutena, gure motorra da eta urtez urte indartzeko apustua egiten jarraitzen dugu”, aitortu du Iñaki Balanzategik.

4.0 industria, teknologia adimendunak eta material aurreratuak inplementatuz, SPRI Taldearen lehentasunetako bat da, eta hori lortzeko SPRIren aldetik lotura teknologiko bat bezala jarduten dugu, euskal enpresek 4.0 soluzioak eskura ditzaten, hala nola laguntzak eta prozesu osoan zehar arlo horretako profesionalen laguntza. Informazio gehiago hemen.

Lotutako albisteak

24 apirila, 2024 Digitalizazioa

114 enpresak hartu dute parte Euskadiko industriaren digitalizazioa sustatzeko kongresuan

Irakurri gehiago

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

Joan blog-era