Euskal enpresaren blog-a Zure enpresarentzat garrantzitsua den eguneroko informazioa

16 azaroa, 2017
Batz kooperatibako 75 zuzendaritza-kargu 4.0 Industriari buruzko Barnetegi Teknologikoan parte hartzen ari dira

Enpresak erabaki du bere zuzendaritza-karguak eraldaketa digitalerako prestatzea.

 

Mondragon Taldeko Batz kooperatiba 4.0 Industriari buruzko Barnetegi Teknologikoen programan parte hartzen ari da, horrela erakutsiz zuzendaritza orokorrak interes handia duela eraldaketa digitalak eskaintzen dituen aukerak aprobetxatzeko. Batz-ek munduko lantegi guztietan dauzkan 75 kudeatzaile eta zuzendari ari dira parte hartzen jardunaldi horietan.

 

4.0 Industriari buruzko Barnetegi Teknologikoak egun bateko prestakuntza trinkoak dira, non ezagutzera ematen baitira elektronika, informazio eta komunikazio teknologiek industriarako eskain ditzaketen abantailak. Egitarauaren barnean sarrera bat egingo da sektorea eraldatzeko potentzial handiena duten EIKTen inguruan, hala nola, big data, errealitate handitua eta birtuala, robotika, fabrikazio gehigarria eta cloud computinga eta, nola ez, hizpide hartuko da baita ere segurtasunaren garrantzia. Jardunaldian zehar eztabaida eta gogoeta prozesu bat egingo da eraldaketa digitalak industrian izan ditzakeen inplikazioen inguruan.

 

Barnetegiaren helburu nagusia da zuzendaritza-kargu eta kudeatzaileei laguntzea 4.0 Industrian eragina izango duten joera teknologikoak identifikatzen eta ezagutzera ematea berrikuntza horiek aplikatu dituzten kasu errealak. Programa hau beraizik zuzentzen zaie enpresak kudeaketaren bikaintasunerantz gidatu nahi dituzten zuzendaritza-karguei, besteak beste, operazio, produkzio, kalitate eta logistika arloetako arduradunei. Aurten 4.0 Industriari buruzko 13 Barnetegi Teknologiko antolatu dira; hiru irekiak eta gainerakoak espezifikoak Euskal Herriko Itsas Foroarentzat eta Mercedes-Vitoria, Copreci, Koniker eta Batz enpresentzat.

 

Eusko Jaurlaritzako Ekonomi Garapen eta Azpiegitura Sailak bultzatzen ditu Barnetegi Teknologikoak SPRI Taldearen bitartez. Egun bateko prestakuntza jardunaldi trinkoak dira, 15 parte-hartzaileko taldeei zuzenduak. Saio horietan learn by doing metodologiak aplikatzen dira, ikaskuntza sustatzeko arlo bakoitzeko profesional adituen aholkularitzarekin.

 

Batz Taldea Mondragon Automoción taldeko kooperatiba bat da, trokelen ingeniaritzan eta fabrikazioan, automozio sistemetan, energia berriztagarrietan eta sektore aeroespazialean espezializatua dagoena. Enpresak 50 urtetik gorako ibilbidea du, eta lantegiak ditu Europan, Ipar Amerikan, Hegoamerikan, Afrikan eta Asian.

Ikerlan prueba en Florencia un nuevo sistema para gestionar el ‘big data’ hacia la movilidad urbana inteligente
Basque Industry 4.0 1 ekaina, 2020
Ikusi-k indartu egin ditu 4.0 Industriara eta eraldaketa digitalera bideratutako zerbitzuak

  Euskal konpainia datuen bilketa eta analisiarekin lotutako proiektuetan zentratzen da,...Leer más

Basque Industry 4.0 25 maiatza, 2020
Dronek konponbide berriak ekarri dituzte 4.0 Industriara

  Drone by Drone konpainia nabigatzaile birtual bat garatzen ari da Tecnalia-rekin batera,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?