Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 14 ekaina, 2018 Berrikuntza Digitalizazioa Ekintzailetza Berrikuntza soziala Fast Track Innobideak programa UP Euskadi

Mobby, legenarrak jotako pertsonak ahalduntzeko sandaliak

Enpresak Piramidearen Oinarri eredua jarraitzen du
Langile bat josteko makina batekin

 

Enpresak Piramidearen Oinarri eredua jarraitzen du

Mobby proiektua Indiako enpresa sozial bat da, helburutzat duena legenardunak gizartean eta lan munduan integratzea. Tokiko merkaturako oinetakoak fabrikatzen dituen lantegi bat da. Legenarra jasandakoek edo haien senitartekoek lan egiten dute proiektuan, eta salmenten bidez lortutako irabaziak berrinbertitu egiten dira kolektibo horrentzako botiketan eta hezkuntzan.

 

Ekimen hori 2015ean jarri zen martxan Anesvad eta Alert – India GKEek bultzaturik. Une honetan, proiektu sostengarri bihurtzeko zorian dago arlo ekonomikoan, sozialean eta ingurumen arloan, Bikonsulting aholkularitzak emandako laguntzari esker. Asmoa da denborarekin langileek eurek kudeatu dezatela Mobby proiektua bertako Alert – India GKEaren laguntzarekin, 2019tik aurrera behar bezain sendoa izan dadin eta ez dezan izan Anesvad GKEaren finantzaketa premiarik. “Piramidearen Oinarri ereduko proiektu bat planteatu dugu, bazterkeria arriskuan dagoen komunitate bat ahalduntzeko” azaldu du Javier Goikoetxeak, Bikonsulting enpresaren sortzaileak, “horrek esan nahi du, legenardunei laguntzeko oinetakoak egiteaz gain, ekonomikoki sostengarria den negozio bat izango dutela”.

 

Gaur egun proiektuak lantegi bat du, komunitateko 12-20 lagun enplegatzen dituena. Baina Mobby zabalkuntza prozesuan murgilduta dago, lantaldeak asmoa baitu bigarren lantegi bat sortzeko oinetako gaitzak dituzten pertsonei zuzendutako oinetakoak ekoizteko. Ikuspegi horri esker, herrialdeko merkatu berrietan sartu ahal izango dira, eta epe ertainean, nazioarteko merkatuan ere bai. Gainera, produkzio-ildo berri horrek 3D eskaneatze prozesuak erabiliko ditu neurrira eginiko oinetakoak fabrikatzeko kostu handirik gabe. “Hiru alderdi landu nahi ditugu: soziala, ekonomikoa eta ingurumen arlokoa. Horregatik erabiliko ditugu berreskuratutako materialak eta ekonomia zirkularrarekin lotutako sistemak” dio Javier Goikoetxea aholkulariak.

 

Bestalde, proiektuak kanpaina bat dauka martxan ekimenari laguntzeko, eta nahi duenak salgai dauzka bertan Mobby txankletak. Salmenta horiekin oinetako bereziak banatuko dira Indian legenarra duten gaixoen artean, eta hezkuntza proiektuak finantzatuko dira.

 

Legenarra da, OMEren arabera, atentzio gutxien jasotzen duen eta ahaztuta geratu den gaixotasunetako bat, eta Indian daude kasu gehien. Sendabidea baduen arren, estigma handia dakar berekin, eta desgaitasun handiak eragin ditzake garaiz tratatzen ez bada. Ondorioz, komunitate txiroenak dira kaltetuenak eta gaitzak berekin dakarren bazterkeria soziala jasaten dutenak.

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak