Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 11 uztaila, 2018 Digitalizazioa Ekintzailetza Enpresa digitala Start up UP Euskadi

Arabako gazte batek neoprenoa lehortzeko sistema berritzaile bat asmatu du

Dryfing proiektuak Explorer Araba lehiaketa irabazi du

 

Dryfing proiektuak Explorer Araba lehiaketa irabazi du

Dryfing neoprenozko jantziak garbitu, lehortu eta desinfektatzeko sistema ekologiko bat da. Proiektuaren arduradun Naia Espinosa, Enpresen Administrazio eta Zuzendaritza ikasketak egiten ari den gazte arabarra, premia horretaz jabetu zen surf-zalea delako. “Hondartzara goazenean, neopreno busti eta zikinarekin itzuli behar izaten dugu autoz. Oso deserosoa da, eta jende askok du arazo hori” dio Dryfing enpresako zuzendari nagusiak.

 

Hauxe da Naia Espinosak proposatzen duen konponbidea: makina bat jartzea uretako kirolak egiten diren tokietan, erabiltzaileek aukera izan dezaten neoprenoa minutu gutxitan garbitu, lehortu eta desinfektatzeko, horrela prest egon dadin garraiatu edo berriro erabiltzeko. Enpresa Adminstrazioko ikasle Naia Espinosa izan zen Explorer Araba lehiaketaren azken edizioko 10 parte-hartzaileetako bat. Ekintzaileei laguntzeko programa hori Estatuko 53 zentrotan egiten da CISEk (Centro Internacional Santander Emprendimiento) bultzaturik, eta Araban SPRI Taldeak koordinatzen du BIC Araba zentroaren bitartez.

 

Prozesu horri esker, bere proiektua garatzeko laguntza, prestakuntza eta aholkularitza jaso ditu aurtengo urtarrila eta maiatza bitartean. “Izugarri ikasi dut, baina batez ere prozesuak proiektua eboluzionatzeko balio izan du; ideia bat nuen, baina orain forma hartu du, egia bihur daitekeela ikusteraino” azaldu du.

 

Explorer programaren bidez negozio-eredua garatu du, eta orain hurrengo urratsa eman behar du: finantzaketa lortu lehenengo Dryfing prototipoa sortzeko ingeniaritza-talde baten laguntzarekin. Explorer Araba lehiaketako lehen saria irabazi duenez, Naia Espinosa Silicon Valleyra joango da datorren azaroan. Berarekin joango dira Estatu osoan Explorer lehiaketa irabazi duten beste ekintzaile batzuk ere, eta bidaian aukera izango dute nazioarteko konexioak egiteko eta finantzaketa-aukera berriak irekitzeko beren proiektuentzat.

 

Dryfing Explorer Araba

Lotutako albisteak

18 Marzo, 2024 Digitalizazioa
Datozen hilabeteetan mantendu edo hobetu egingo direla aurreikusten dute euskal industriako sektoreek
Irakurri gehiago
14 Marzo, 2024 Digitalizazioa
Fulsion, herritarrei arreta emateko eragile adimendunak eskaintzen dituen euskal ETEa
Irakurri gehiago
14 Marzo, 2024 Digitalizazioa
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Irakurri gehiago
11 Marzo, 2024 Digitalizazioa
Soy Atenea, optiken eta bezeroen arteko harremana azkartzen duen Gipuzkoako startupa
Irakurri gehiago
KUIK DIGITAL SOLUTIONS 8 Marzo, 2024 Digitalizazioa
‘Kuik Digital Solutions ‘: Diversiusek eta Lautikek bat egin dute 360º software eta IT zerbitzuak eskaintzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak