Health 2.0 Basque ekimenak osasunarekin lotutako startup teknologikoak bilatzen ditu

16 April, 2017

Ekainaren 16an egingo da Health 2.0 Basque komunitatearen bigarren topaketa.

3 enpresak beren proiektua aurkeztuko dute Osasun Digitalaren Europako Kongresuan.

 

Health 2.0 Basque tokiko kapitulua komunitate bat da, zeinaren bidez elkarrekin bildu nahi baitira osasunaren esparruko teknologia digitalekin lotutako enpresak eta eragile publiko zein pribatuak. Init Health enpresako Juan Carlos Santamaría eta Gonzalo Lópezek eta familiako mediku Blanca Usozek bultzatutako gune hori urtarrilaren amaieran aurkeztu zen, aldizkako topaketak antolatzeko eta topaketa horien bidez ezagutza-trukerako sare bat sortzeko.

 

Health 2.0 Basque jardunaldiaren bigarren jardunaldia Donostian egingo da ekainaren 15ean eta 16an, Osasun Digitalaren Europako Kongresuaren barruan. Topaketa horretan aurkeztuko diren hiru proiektu berritzaileek osasun arretarako eta osasun zaintzarako teknologia berriak darabiltzate. Parte hartuko duten startup-ak aukeratzeko, Health 2.0 Basque komunitateak enpresei zuzendutako deialdi bat ireki du. Lantaldeak hiru proiektu hautatuko ditu topaketan aurkezteko.

 

Osasun Digitalaren Europako Kongresua UPV/EHUren Udako Ikastaroen egitarauaren barruan dago, eta bi egunez aztergai izango ditu osasunaren sektorea irauli duten teknologiak. Egitarauaren barruan, askotariko gaiei buruzko hitzaldiak eskainiko dira: arreta integratua, ezagutzaren kudeaketa, pazientearen parte-hartzea eta jabekuntza, teknologien bidezko berrikuntza, eta baita ere tele-medikuntza, adimen artifizialeko teknikak eta osasunari aplikatutako Gauzen Internet.

 

Marisa Merinok, OSI Tolosaldea Osakidetza erakundeko zuzendari kudeatzaileak, zuzenduko ditu jardunaldiak, Salud Digital Elkartearen, Signo Fundazioaren eta Senap erakundearen laguntzarekin.