Eusko Jaurlaritzak Estatu Batuetarako ordezkari izendatu du Jorge Fernández Quintela, Ander Caballero Barturenek utzi duen kargua betetzeko. Euskadiko ordezkaritzaren egoitza New Yorken egongo da hemendik aurrera.
Jorge Fernándezek lotura profesional estua izan du nazioartekotzearekin, atzerriko inbertsioak atzemateko prozesuekin eta kanpo merkataritzarekin, horiek baitira SPRI Taldearen barruan landu dituen arloak.
Funtsean, bederatzi urtez izan da SPRI Taldearen kanpo bulegoetako ordezkaria (Polonian eta Mexikon), eta azken hiru urteotan Invest in the Basque Country lantaldeko kide izan da, zeinaren helburua baita inbertsioak atzematea.
Horren aurretik enpresa pribatuetan aritua da, esportazio, nazioartekotze edota nazioarteko merkaturatze arloetako lantaldeetan.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?