CAF-ek proiektu berri bat lortu du Amerikako Estatu Batuetan

9 October, 2017
Gipuzkoako tren-taldeak New York-eko Elmira herrian lantegi bat du

Gipuzkoar enpresak, hiru moduluko hamar tranbiaz hornituko du Seattle hiria

 

Seattleko Garraio Departamentuak (SDOT), Beasainen egoitza duen CAF euskal tren-taldea aukeratu du estatubatuar hiriko tranbia sareko linea berria 10 ibilgailuz hornitzeko.

 

Euskal enpresak komunikatu baten bitartez azaltzen duen bezala, hornitze-eragiketak 50 milioi dolarrak gainditzen ditu eta SDOTek beste hamar ibilgailu arte erosteko eskubidea erreserbatu du. Akordioak gainera, ordezko piezak, erreminta bereziak eta probetarako ekipoak erostea ere aurreikusten du.

 

CAF-ek proposatutako unitateak, bere luzera osoan solairu baxukoak dira, hiru modulukoak eta Urbos plataformakoak, erabiltzaileari bidai- esperientzia ezin hobea eskaintze aldera bereziki diseinatutako ibilgailu multzoa.

 

Seattle hiriko linea berrian ibiliko diren tranbia berriak ontzian energia biltegiratzeko sistema izango dute (Onboard Energy Storage System), CAF Power & Automation-ek hornitua, eta horri esker, katenariarik ez duten sareko zatietan ibili ahal izango dira ibilgailuak.

 

Seattle-eko kontratuaz gain, Kansas City-ko Garraio Agintaritzak CAFi beste bi tranbia erosteko onarpena jaso du, eta horiek lehen hornitutako eta iaztik, 2016tik, alegia, zerbitzuan dauden lauri gehituko zaizkie. Zabaltze honen zenbatekoa 10 milioi dolarrekoa da.

 

Proiektu biak, Gipuzkoako tren-taldeak Estatu Batuetako merkatuaren alde egindako apustuaren testuinguruan kokatzen da, zeinetan New York-eko Elmira herrian lantegi bat duen.

Erlazionatutako artikuluak

Orobat interesa dakizuke

View all arrow