Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 11 uztaila, 2018 Berrikuntza Digitalizazioa Berrikuntza soziala EIKTak Fast Track Innobideak programa

EBk “European Network for Women in Digital” plataforma abiarazi du

Sare horrek elkarrekin konektatuko ditu antolakundeak eta eragileak, helburutzat hartuz emakumeen presentzia bultzatzea IKTen munduan

 

Sare horrek elkarrekin konektatuko ditu antolakundeak eta eragileak, helburutzat hartuz emakumeen presentzia bultzatzea IKTen munduan

Europako Batzordeak berriki argitaratutako azterlan batek dioenez, nahiz eta IKT arloko espezialisten eskaera gero eta handiagoa den, emakumeek presentzia eskasa dute oraindik sektore horretan, bai unibertsitateetan eta bai enpresetan. Hain zuzen, Women in the Digital Age txostenak dio joera hori hazi egin dela 2011tik eta emakumezko 1.000 graduatutatik 24k bakarrik dituztela IKT arloko tituluak. Gainera, horietatik 6 bakarrik sartuko dira lanean sektore digitalean.

 

Emakumeek presentzia izatea lanbide teknologikoetan lan-aukera garrantzitsua da eurentzat eta, horrezaz gain, bidea zabaltzen die sektore anitzago eta pluralago baterantz aurrera egiteko. Gainera, azterlan horrek dioenez, parekidetasuna lortuko balitz lan-merkatu digitalean, parekidetasun horrek 16.000 milioi euroko hazkundea eragingo luke Europako BPGn. Horregatik guztiagatik, Europako Batzordeak hainbat ekintza-ildo jarri ditu martxan emakumeen presentzia sustatzeko sektore horretan. Estrategiaren helburua da kultura-aldaketa sakon bat bultzatzea estereotipoak desagerrarazteko eta hezkuntza digitala eta ekintzailetza sustatzeko emakumeen artean.

 

Estrategia horren baitan aurkeztu da European Network for Women in Digital plataforma, zeinaren bidez neska eta emakumeak bultzatu nahi baitira ikasketa teknologikoak egitera. Sare horrek elkarrekin konektatuko ditu dagoeneko bide hori jorratzen ari diren antolakunde, eragile eta enpresak, hartara indarrak batzeko eta lankidetza sustatzeko. Hauek dira plataformaren helburu garrantzitsuenak: dagoeneko martxan dauden ekimenen inpaktua handitzea, aniztasuna sustatzea proiektu, ikerketa eta ekitaldi digitaletan eta emakumeen presentzia ohikoa bihurtzea (ez salbuespena) sektorean.

 

Sarea ekainaren 19an aurkeztu zen Digital4Her Kongresuan, non orobat ezagutzera eman baitziren Europako Batzordeak ekonomia digitaleko genero etena gainditzeko hartu dituen neurriak. Besteak beste, ekitaldian hogei bat IKT konpainiak sinatutako adierazpen bat aurkeztu zen, zeintzuek konpromisoa hartu baitute beren enpresetan ingurune parekideago bat sustatzeko. Baita ere aurkeztu zen No Women No Panel izeneko ekimena.

Lotutako albisteak

14 Marzo, 2024 Berrikuntza
Alkizabalgo plataforma jasotzaile elektriko berria jasangarriagoa da: zero gas-isuri eta zarata murrizketa
Irakurri gehiago
11 Marzo, 2024 Berrikuntza
Stay Bigelek hezkuntzaren arloko metodologia berritzaileen aldeko apustua egiten du
Irakurri gehiago
22 otsaila, 2024 Berrikuntza
FVEMek 2.100 ikasle baino gehiagori industria hurbildu die ‘Industria Erronka’ proiektuaren bidez 23-24 edizioan
Irakurri gehiago
SACEN San Jorge Placas Energía Solar 20 otsaila, 2024 Berrikuntza
Sacenek telekomunikazioetarako bere lehen kabina adimenduna instalatu du
Irakurri gehiago
15 otsaila, 2024 Berrikuntza
TokenTrotter-rek bidaiez beste ikuspuntu batetik gozatzeko aukera ematen du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak