Citadel proiektuak Administrazio Publikoei lagunduko die beren eraldaketa digitala burutzen

 

Gero eta hurbilago dago eraldaketa digitala erakunde publikoetan, hiritarrengan zentratutako ikuspegitik bultzatzeko zerbitzu publiko digital eraginkorrago eta inklusiboagoak

Citadel ikerketa-proiektu bat da, Europako Batzordearen H2020 programaren markoan finantzatua, Tecnaliak zuzendua eta 2016ko urrian abiatua. Hirschman eta Rokkan printzipioetan oinarritzen da, hiritarrarengan zentratutako zerbitzu digital eraginkor eta inklusiboagoz hornitzeko sektore publikoa. Ikuspegi horrek zerbitzu digitalen erabiltzaileen premiak aztertzen ditu, batetik, beren asebetetze-maila hobetzeko eta, bestetik, aukera emateko zerbitzu publikoen ko-sorkuntza prozesuan gehiago parte hartzeko.

Citadel proiektuaren helburua da administrazio publikoetako arlo desberdinetan berrikuntzako eta gobernu kolaboratiboko ekimenak errazten eta oztopatzen dituzten faktoreak esploratu, monitorizatu eta aztertzea, kontuan hartuz beren inpaktu eta arriskuak. Prozesu horretan teknologia berritzaileetan oinarritutako konponbide bat erabiltzen da. Aipatu konponbidearen helburua da politika publikoak eraldatzea, zerbitzu publiko digital eraginkorragoak eta inklusiboagoak eskaintzeko Europa osoan.

Leire Orue-Echevarriak, Tecnaliako Cloud teknologien arduradunak eta proiektuko koordinatzaileak, hauxe esan du: “proiektu hau lagungarri izango da administrazio publikoek beren eraldaketa digitala burutu dezaten eta zerbitzu digitalak inklusiboago eta erabilgarriago izan daitezen denontzat. Gainera, hiritarrekiko lankidetzaren bidez, hiritarrek paper erabakigarriagoa izango dute, zerbitzu publiko hobeak ko-sortzeko eta garatzeko prozesuan parte hartuko baitute”.

Citadel proiektuak egina du bidearen erdia, eta erritmo onean doa aurrera. Hauxe da orain arte eginiko lana:

• azaldu dira zeintzuk diren Administrazio Publikoak gero eta eraginkorrago izateko eta hiritarrengan gehiago zentratzeko faktoreak;
• eskema bat egin da zerbitzu publiko digitalen eraldaketa sustatuko duten IKT tresnak praktikan jartzeko, zerbitzu horiek inklusiboagoak izan daitezen eta gehiago zentratu daitezen hiritarrengan.

Lotutako albisteak

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

Joan blog-era