Enpresa Arloko Prestakuntza.
13 martxoa

Innobideak Prestakuntza: Negozio Eredua. Berrikuntza negozio ereduan, enpresak arrakasta izateko oinarri.

Edificio Plaza Bizkaia

SPRI. Plaza Bizkaia eraikina. Urkixo zumardia 36, beheko solairua. Bilbo
9:00 - 14:00

Edificio Plaza Bizkaia

SPRI. Plaza Bizkaia eraikina. Urkixo zumardia 36, beheko solairua. Bilbo

2018-03-13
9:00 - 14:00



Testuinguru sozioekonomikoa aldatu egin da betiko, hortaz, euskal enpresek eta bereziki ETEek, moldatzeko biderik egokiena topatu behar dute. Euskal industriak ikuspegi kontzeptual eta estrategiko berria behar du, industria berria fabrikazio aurreratua baino askoz gehiago baita.

Eusko Jaurlaritzako Ekonomiaren Garapen eta Azpiegitura Sailak, enpresak lehiakorragoak izaten lagunduko duen Innobideak estrategia diseinatu du, eta estrategia honen barnean Innobideak Prestakuntza programa hau aurkitzen da. Innobideak Prestakuntza programa, SPRIk EUSKALITen kolaborazioarekin garatu duen prestakuntza moduluen doako programa da. Enpresen berrikuntza eta lehiakortasuna garatzea baimenduko du eta honen erreferentea den Kudeaketa Aurreratuko Ereduaren sei elementuetan aurreratzeko diseinaturik dago: Estrategia / Bezeroak / Pertsonak / Gizartea / Berrikuntza eta Emaitzak.

Metodologia zeharo praktiko bati jarraiki, parte-hartzaileek adibide eta jarraibideekin lan egingo dute elementu horietako bakoitza enpresan nola aplikatu jakiteko. Saioak DOAKOAK dira eta industria eta horiekin harremana duten zerbitzu sektoreko enpresetako kudeatzaile eta zuzendaritzako kideei zuzenduta daude

Horrela, otsailetik ekainera, arlo hauek sakonago lantzeko modulu independente multzoa zure eskura duzu. Saioak independenteak dira eta nahi adina saiotan eman dezakezu izena.

 

Negozio Eredua. Berrikuntza negozio ereduan, enpresak arrakasta izateko oinarri.

Negozio ereduak erakunde batek nola funtzionatzen duen adierazten du, eta zer modutan hartzen, sortzen eta ematen duen balioa, etengabe eta abiada handian aldatzen den testuinguru sozioekonomiko batean. Eusko Jaurlaritzak euskal enpresen berrikuntza estrategia indartu nahi du, eta, horretarako, SPRIk eta EUSKALITek arlo horretan laguntzak eskaintzeko ekimenak lantzen dituzte. Innobideak Prestakuntza programaren barruan, ezinbestekotzat hartu den modulua diseinatu da, enpresak bere negozio ereduan berrikuntza nola hurbiltzen den hausnartzeko.

Jardunaldi honetan, negozioaren ustiapenaren eta esplorazioaren kudeaketa eta nola negozio eredua ingurumenaren aldaketa eta aukeretara egokitzen den, etengabeko hausnarketa egiteko ideiak emango dira.

Saioaren edukia

• Pentsamolde estrategikoaren oinarrizko kontzeptuak.
• Zuzendaritza estrategikoaren prozesua.
• Berrikuntza negozio ereduan eta haren koherentzia.
• Pentsatzeko beste modu bat, sormenerako zenbait tresna.

Bideratzailea

Iñaki Garagorri

OPE Consultores enpresako bazkidea eta gerentea da. 15 urtetik gorako esperientzia du estrategiarekin, berrikuntzarekin eta antolaketa eraldaketarekin lotutako proiektuetan. Faculty member da DBSko Master in Business Innovation masterrean, eta negozio ereduaren esparruko berrikuntzak enpresaren lehiakortasunean duen eraginari buruzko doktoretza tesia ari da egiten.

Euskalit-ek koordinatua.

Si se registra ahora no tendrá que rellenar todos sus datos cada vez que quiera participar en un curso o jornada. Por favor, rellene el siguiente formulario con sus datos personales y los de la empresa a la que pertenece. Si tiene problemas en el registro contacte con nosotros a través de info@spri.es / T.: 902 702 142.

El programa Prestakuntza Directiv@21 está dirigido principalmente a empresas del sector industrial y de servicios conexos, teniendo estas empresas prioridad a la hora de inscribirse. Si su empresa no pertenece a ese sector y desea asistir al curso, añada en el campo de "comentarios" su sector de actividad, en el momento en que haya alguna vacante le llamaremos. Para posibles aclaraciones contacte directamente con Lorea Arana. T.: 944038269.