ES | EU


2015ko Ekaina 24


Hazteko aukera handia duten bost proiektu ekintzaile aurkeztu ziren Orkestraren Crecer+ plataformaren Business Angels-en sarean joan den ekainaren 16an, Deustuko Unibertsitatean.

Hitzordu horretan 40 business angels baino gehiago bildu ziren, eta aurkeztu ziren proiektuak zuzenean ezagutzeko eta haietan sakontzeko aukera izan zuten. Jarraian laburbiltzen dira proiektu horiek:

  • * Komunitate Globalaren Sarea, 270.000 erabiltzaile dituena. Haren helburua da bertako kideen garapen profesionala, oreka pertsonalarekin batera.
  • * Hondakinak banantzeko robota, adimen artifizialean oinarriturikoa, hondakinak tratatzeko fabriketan ezartzeko; gai da hiri-hondakinen artean balioa izan dezaketen materialak antzeman eta biltzeko.
  • * Biomasa erabiliz hotza, beroa eta ur bero sanitarioa sortzen duen energia-zerbitzuen enpresa; ostalaritzan, kirol-zentroetan eta eraikin publikoetan dago.
  • * Afrikako hazkunde handiko herrialdeetan online bidez lana bilatzeko enpresa; 165.000 erabiltzaile eta izena emana duten 2.000 bezero ditu.
  • * Plug&play gailu teknologikoa, kirurgialariek ebakuntza-gelako lan-ekipamendua ahotsaren eta keinuen bidez kontrola dezaten. Instalazio pilotuak daude AEBetan, EBn, Italian eta Espainian.

 

Orkestra-Lehiakortasunerako Euskal Institutua lurraldearen lehiakortasuna aztertzeko eta eztabaidatzeko zentroa da, 2006an sortua, Deustu Fundazioaren baitan. Bertako programa bat, “Crecer+” izenekoa, hazteko aukera handia duten proiektuen ekintzaileei eta enpresa berri berritzaileak finantzatzeko interesa izan dezaketen business angels-ei laguntzeko sortutako ekimena da.

Crecer+ Business Angeles-ek Euskal Autonomia Erkidegoan ekintzailetza-ekosistema garatzen lagundu nahi du, herrialde hau toki erakargarria izan dadin proiektu berritzaileak dituzten ekintzaileentzat eta bizirik iraun dezan bertako ezaugarri den kultura ekintzaileak.

 

Ekintzaileen eta business angels-en finantza-itzulkina handitzen laguntzeaz gain, Crecer+ plataforma haien “gizarte-itzulkina” ere areagotzen ahalegintzen da, nazioko eta nazioarteko eragileekin lankidetzan tokiko ekosistema ekintzaile dinamikoagoa sendotzearen bidez. Crecer+ plataformaren helburu garrantzitsu bat da tokiko ekonomiaren eragile protagonistak orkestratzea, euskal lurraldearen gaitasun ekintzailea eta oparotasuna handitzeko.

 

Orkestrak egoitzak ditu Donostia eta Bilbo hirietan.

Info+: http://orkestra.deusto.es/bacrecermas/eu/