ES | EU


2017ko Maiatza 16


Bilboko RELEVO bideojoko enpresak titulu berri bat merkaturatu du: “Baboon!” du izena, bateragarria da PS4 kontsolarekin, eta eskuragarri dago “Game” dendetan. Jon Cortázarrekin hitz egin dugu bideojokoak izan duen harrera paregabeari buruz, eta zuhur agertu da: “Oraindik goiz da produktuaren salmenten emaitzak ikusteko, baina oso pozik gaude nazioarteko hedabideen erreakzioekin, oso positiboki baloratu baitute jokoa orijinaltasunari eta dibertsioari dagokienez…”

Hogei bat lagun urtebete baino gehiagoz aritu dira lanean “Tumbili” sortzeko; tximu txiki bat da, ez dena gai jauzi egiteko, eta hainbat ezaugarri dituzten bonba-sorta bat behar duena mugitzeko. Bide luzea izan da, eta oraintxe hasi da emaitza onena eskaintzen: “Erabiltzaileek jokoaz ematen diguten feedback-a oso positiboa da, beraz, oraingoz ez daukagu pozik ez egoteko arrazoirik!”

Irakurri gehiago…



2017ko Maiatza 07


Bulego kontzeptu berritzaile bat sortu dute abokatu independenteentzat: 2014an hasi ziren ideia garatzen, ikusirik, eraldaketa digitalari esker, aldaketa handiak ari direla gertatzen sektore guztietan, bezeroa bihurtu delarik harremanaren liderra… Eta hauxe pentsatu zuten: “hau lege arlora ere iritsiko da, eta eragin handia izango du abokatu independentearengan, bera baita gutxien prestatuta dagoena lege-negozioaren aldaketari aurre egiteko.” Hortik abiatuta hasi ziren proiektuarekin lanean Andoni García Imaz eta Javier Segura Díaz.

“Talde sustatzailea diziplina anitzekoa da; bi belaunaldi desberdinetako bi abokatu gara, baina kezka berbera dugu: nola egingo dio aurre abokatu independenteak prozesu honi, masa kritiko garrantzitsua behar bada horretarako? “LAWYOUren eskaintza osatzeko, bazkide ditugu beste bi enpresa: DA2B, espezialistak negozioen garapena azkartzen; eta WEGETIT, espezialistak produktu eta zerbitzu digitalen garapenean. “Ikuspegi poliedrikoa oso aberasgarria da bulegoarentzat. “

Irakurri gehiago…



2017ko Apirila 30


Sopelako Barinatxe hondartzan (“La Salvaje) sortu zitzaion ingurumenarekiko kezka: “Itsasoa barrura sartu zitzaidan, artean hizketan eta oinez ere ez nekienean…” Nerabezaroan surfeatzen emandako ordu guztiek piztu zioten itsasoaren alderako grina, urteak igaro ahala hazten joan dena: “Institutuan, ni eta ni bezalako beste ero batzuk zientziari buruzko informazioa irensten hasi ginen. Etengabe irakurtzen nuen teknologiari buruz, baina, batez ere, natur zientziei buruz”.  

Félix Rodríguez de la Fuente, Cousteau eta Carl Saganen dokumentalek arrasto sakona utzi zuten beragan. “Eurengan islatuta ikusten nuen neure burua, eta hunkitu egiten ninduten. Haurra nintzenetik sentitu nuen dibulgatzaile bihurtzeko gogoa, ingurumenaren komunikatzaile izatekoa. Nire helburua zen besteek ere senti zezatela nik sentitzen nuena. Natura zaindu eta errespetatzearen garrantziaz sentsibilizatu nahi nituen”. 

Irakurri gehiago…



2017ko Apirila 22


Beren web espazioan, lehenik eta behin, eskerrak ematen dizkiete bisitari guztiei: “Ezer baino lehen, BiRick lantaldeko kideok ongi-etorria ematen dizugu eta eskerrak eman nahi dizkizugu auto-kudeatutako gure proiektu txiki honen alderako interesa azaltzeagatik…” Honela aurkezten dute David Reguerak eta Sergio Larredondak BiRick proiektua, sostengarritasuna sortzen duen proiektu auto-kudeatua: “Sostengarritasuna da BiRick proiektuaren arima, eta gure jarduera guztiaren haria. Horrekin hobetzen dugu gure bizitokia –eta, neurri batean, planeta- eta gainera, ingurukoak kontzientziatzen ditugu! 

BiRick EcoFun Tours, BiRick EcoSolutions eta BiRick EcoEvents dira Balioa, Beroa, Kolorea eta Sinpatia eskaintzen dituen ekimen honen hiru adarrak: “Ibilgailu sinpatikoak dauzkagu, argazki guztietan primeran ateratzen direnak, eta buru-argitasun apur batekin, gauza harrigarriak egin ditzakegu…”

Irakurri gehiago…



2017ko Apirila 21


 

Arrasateko SAIOLAN Enpresa eta Berrikuntza Zentroak, eta ideia eta proiektuen arteko lankidetzarako GARAIA Guneak berriren berri antolatu dituzte Gosari Teknologikoak, zeintzuen helburua baita ekimen berritzaileak ezagutaraztea eta inguruko industria-sareko enpresa harremanak sendotzea. 

Datorren apirilaren 27an, “microLiquid” eta “Drone X Services” izango dira enpresa gonbidatuak, eta beren esperientziak partekatuko dituzte: 

Irakurri gehiago…



2017ko Apirila 18


Azken urteotan, modaren industriak pauso bat eman du ingurumenaren alde, birziklapen-programak sustatuz, ehunen berrerabilpena bultzatuz eta, bide horretatik, moda sostengarri eginez. Gipuzkoa erreferente bihurtu da, eta erakundeek bultzatu egingo dute esparru horretako jarduera ekintzailea eta enpresa jarduera. 

GK Green Fashion katalogoan Green etiketadun 8 konpainiaren bildumak daude, zeintzuek ehun birziklatu eta sostengarriekin lan egiten baitute. Ekintzaileak eta sortzaileak dira, eta erakutsi dute posible dela moda diseinatzea ingurunea babestuz: Akukuna, Kilate, Maripuri Tijeritas, Lavandera, Skunkfunk, Telarista Urbana, Tytti Thusberg eta Zergatik. Laura Chamorro Navarrorekin hitz egin dugu, “Donostia Moda – San Sebastián Moda” klusterreko arduradunarekin.

  Irakurri gehiago…



2017ko Apirila 17


Startup bizkaitarra BIC-Ezkerraldea zentroan kokatuta dago.

 

Endika Nebredak, Transporter enpresaren fundatzaileetako batek, honelaxe definitu du bere konpainia: “Uber edo BlaBlaCar bezalakoa da, baina merkatu-gaien garraio sektorean kokatzen da”. Transporter erabiltzen ez diren baliabideen aprobetxamenduan oinarritzen da, partikularrek autoz egiten dituzten bidaiak baliatzen baititu peer-to-peer paketeriako zerbitzu berri bat eskaintzeko. “Elkarrekin harremanetan jartzen ditugu, batetik, hiri batetik bestera zerbait bidali behar duten pertsonak eta, bestetik, ibilgailuetan soberan duten lekua paketeak garraiatzeko aprobetxatu dezaketen gidariak” azaldu du Endikak. Irakurri gehiago…