ES | EU


2017ko Iraila 25


Adin txikiko seme-alabak dituzten familiekin 250 elkarrizketa egin ondoren sortu zen proiektua, orduantxe ohartu baitziren gurasoak kezkatuta daudela Internetek eta teknologia berriek dakartzaten arriskuekin: “Hortik aurrera hainbat aditurekin elkartu ginen, alegia horrelako arazoen aurkako borrokan urtetako esperientzia duten erakunde, enpresa eta instituzioekin: ANAR Fundazioa, Didaknet, Eusko Jaurlaritzako Hezkuntza Saila edota gurasoentzako teknologia fabrikatzaileak”, besteak beste.

Bildutako informazioari esker “argiago eta hobeto ulertu genuen zenbateko tamaina eta konplexutasuna duen arazoak”. Roberto Álvarez eta bere lantaldeak aztertua zuten nolako portaera duten adin txikikoek sareetan, eta nolako arrisku eta mehatxuak dakartzaten sare horiek eurentzat. Jakintza horretan oinarriturik erabaki zuten tresna egokiak garatzea, gaztetxoei Interneti buruzko hezkuntza eta Sarean ibiltzeko laguntza emateko. Une honetan,
“inbertitzaileak baino ez zaizkigu falta lantaldean, jardueraren bigarren urtea finantzatzen laguntzeko –orain arte funts propioekin egin dugu aurrera-, eta jakina, bezeroak ere bai, merkatuak gurasoei eskaintzen dien ziber-babes konponbide onena saltzeko…” 🙂

Hain zuzen, Eusko Jaurlaritzak laster abiaraziko du Basque Cybersecurity Centre, zeinak zeregin handi bi izango baititu: Euskadi Europako erreferentzia bihurtzea informazio- eta komunikazio-teknologia berrien aplikazioan eta, bestea, euskal industriari eta azpiegitura kritikoei estaldura eraginkorra eta fidagarria ematea, prebentzio- eta erreakzio-lanak eginez ziber-mehatxu edota ziber-erasoei erantzuteko.

Irakurri gehiago…



2017ko Iraila 24


Irakurri gehiago…



2017ko Iraila 22


Europako Batzordeak ekintzailetza soziala bultzatzeko 20 ekimen aztertu ditu.

 

Ekintzailetza sozialak berrikuntza sozialean oinarritutako konponbideak eskaintzen ditu erronka handientzat, hala nola, hauentzat: langabezia, kolektibo kalteberen integrazio soziala edota zerbitzu sozialak eskuratzeko aukera. Enpresa-ehun hori, batez ere, tokian tokiko agente txikiz osaturik dago, baina eredua gero eta gehiago ari da zabaltzen Europan barrena eta, gainera, frogatu du orobat lagungarri dela hazkunde sostengarria lortzeko. Irakurri gehiago…



2017ko Iraila 21


  • Arabako Industrialdeak eta Haranako Udalak ekimen hori abiaraziko dute irailaren 25etik aurrera eta urriaren 31ra arte, Arabako Mendialdean kokatutako udalerri horretako enpresa-jarduera sustatzeko.
  • Haranako industrialdeak dagoeneko eraikita dauden 5 pabilioi dauzka, aurkeztutako ideia berritzaileetatik aterako diren jarduerak ostatatzeko.
  • Ideia lehiaketako sariak dira diru-kopuru bat, Nirea diploma akreditatzailea eta “made in Euskadi” labeldun produktuak.

 

Haranako Udalak eta Arabako Industrialdeak ideia berritzaileen lehiaketa bat sustatu dute, bere bitartez ekonomia-jarduera sortu eta bultzatzeko Harana udalerrian, eta bertan garatutako industria-azpiegiturak sustatzeko.

Lehiaketan parte har dezake 18 urtetik gora dituen eta Euskal Autonomia Erkidegoan bizi den edozein pertsonak, eta helburu bikoitza du: batetik, Arabako Mendialdearen errealitate naturala ezagutaraztea eta, bestetik, landa ingurunea eskaintzea jarduera ekonomikoak kokatzeko negozio-aukera gisa.

Aurkezten diren enpresa-ideia berritzaileek Haranako errealitatera egokitu behar dute –Mendialdera, alegia- eta epe laburrean hasi behar dute beren jarduera. Horretarako, Haranako Industrialdeak 5 industria-pabilioi eskainiko dizkie lehiaketatik ateratzen diren jarduerei, baldintza oso abantailatsuetan.

 

Parte hartzeko baldintzak

Hilaren 25etik urriaren 31ra arte, lehiaketan parte hartu ahal izango dute adinez nagusi diren norbanako edo taldeek, zeintzuek gehienez hiru ideia aurkeztu ahal izango baitituzte.

Aurkeztutako ideiak baloratzeko, irizpide hauek hartuko dira kontuan: ideia eta negozio-proiektu osoa azaltzeko argudioak, inguruko landa-garapenari egingo dion ekarpena, izaera berritzailea eta orijinaltasuna, eta gizarte- nahiz ingurumen-sostengarritasuna.

Haranako Udalaren eta Arabako Industrialdearen web orrietan dago parte hartzeko behar den informazioa eta dokumentazioa: proiektu edo ideia bakoitzarentzako inskripzio-fitxa, negozio ideiaren gidoia eta inguruneari buruzko informazioa (argazkiak, planoak, zonaldearen informazioa…). Hori guztia udaletxean bertan entregatu behar da urriaren 31a baino lehen.

Epaimahaia osatuko dute Haranako Udalak, Eusko Jaurlaritzako Ekonomi Garapen Sailak (SPRI, Sprilur), Hazi Fundazioak, Izki Landa Garapenerako Elkarteak, Arabako Mendialdeko Kuadrillak eta Innobasque-k. Epaimahaiak azaroaren 23an jakinaraziko du erabakia, Haranan bertan, Ostegun Ekintzaileak izeneko ekimenaren barruan (Hazi Fundazioa), eta Udalaren eta Arabako Industrialdearen (SPRI Taldea) web orrietan argitaratuko da.

Haranako ideia lehiaketak bi sari emango dizkie aurkeztutako negozio-ideia onenei: lehen sailkatuak 1.500 euroko diru-kopuru bat eta Nirea diploma jasoko ditu, bigarrenak, berriz, produktuen saski bat eta Nirea diploma. Eskatzen duten parte-hartzaileei lehiaketan parte hartu izanaren ziurtagiri akreditatzailea jasoko dute.

Informazio gehiagorako edota parte hartzeko dokumentazioa jasotzeko, jo Arabako Mendialdeko Kuadrillara, deitu 945 40 54 24 telefonora, idatzi ana@montanaalavesa.com helbidera edo sartu www.valledearana.net web-guneetara.



2017ko Iraila 20


Euskal startup hori izan zen Yuzz Barakaldo lehiaketako eta Mentor Day azeleragailuaren txapelketako irabazlea.

 

SwiftFlats plataformak trukeko ikasleen ostatu erreserbak kudeatzen ditu eta onlineko espazio bat eskaintzen du, ikasleek posible izan dezaten pisu partekatu bateko logelak erreserbatzea hirira iritsi baino lehen. Aldi-baterako alokairua eskaintzen duten beste atari batzuen aldean, SwiftFlats plataformak baditu bi elementu bereizgarri, batetik, ikasleengan espezializatuta dago eta, bestetik, lantaldeak zerbitzu integrala eskaintzen die, bai maizter gazteei eta bai etxe-jabeei. Irakurri gehiago…



2017ko Iraila 20


2017ko deialdian 385 proiektu jaso ditu, horietatik 292 nazioartetik iritsitako hautagaitzak.

BIND 4.0 Eusko Jaurlaritzak sustatu eta kudeatutako programa publiko-pribatu bat da, industria sektoreko startupak azeleratzea helburu duena. Programak lau kolaboratzaile teknologiko handi ditu: Google, Amazon Web Services, Microsoft eta Siemens; kolaboratzaile horiez gain, 27 euskal industria handik kontratatuko dituzte BIND 4.0 programako startupak. Irakurri gehiago…



2017ko Iraila 17


Irakurri gehiago…