Ibermáticak Saeta Die Casting enpresaren kudeaketa-sistema informatikoak eguneratuko ditu

2016ko Martxoa 09,

spri_innovacion_bermatica aeta 2
Saeta Die Casting enpresa Phillips taldeari atxikita dago

Ibermática euskal enpresa arduratuko da, Valladoliden kokatuta eta Phillips taldeari atxikita dagoen Saeta Die Casting konpainiaren enpresa-baliabideak planifikatzeko sistema informatikoak modernizatzeaz.

Manufaktura-jardueraren kudeaketa hobetzea da Gaztela eta Leongo konpainiaren helburua, eta sistemak eguneratuz, prozesu-kopuru gehiago estali ahal izango ditu, eraginkortasun handiagoaz estali ere.

Gainera, aluminioaren galdaketa injektatuan diharduen Saeta Die Casting enpresak lantegiko datak biltzeko soluzioak eta makineriaren mantentze-funtzioak hobetu nahi ditu.

Ibermáticak Microsoft Dynamics NAV 2015 programara migraraziko du Saeta enpresako kudeaketa-soluzio nagusia. Programa horrek kudeaketa ekonomikorako, ekoizpenerako, horniketa-katearen kudeaketarako eta fakturaziorako behar dituen funtzionaltasun guztiak eskainiko dizkio.

Gainera, industria arloko mantentze-lanak eta ekoizpenaren plangintza erakundearen gainerako prozesu guztiekin batera integratuta egongo dira.

Saeta Die Casting enpresak 150 langile profesional eta 7.500 metro koadroko instalazioak ditu.

Erlazionatutako artikuluak
Orobat interesa dakizuke