ITP arduratuko da Heli Charter enpresa britainiarrak ekoizten dituen helikoptero-motorrak mantentzeaz

2016ko Martxoa 21,

SPRI_internacionalización_ITP
Enpresen arteko hitzarmenak hamar urteko iraupena du

Turbo Propultsatzaileen Industria (ITP) izeneko konpainia aeronautikoak akordio bat lortu du Heli Charter enpresa britainiarrarekin, honek ekoizten dituen Bell 429 helikopteroetako PW207D1 motorren mantentze-lanez arduratzeko.

Kontratu honek hamar urteko iraupena du eta hegaldi-ordu kopuruaren araberako laguntza teknikoko modalitateari (PbH o Power-by-the-hour) atxikita dago.

Konpainia britainiarrak helikoptero eskaintza ezinago zabala du herrialde osoan zehar, alokairuan zein salmentan.

Sener euskal ingeniaritza-enpresa partaide duen ITP konpainiak Heli-Charter-i eskainiko dizkien zerbitzuen artean, aldizkako azterketak, motorraren oinarrizko desmuntaketa ez-programatua, motorretako erregai-toberen azterketa eta motorraren egoeran dauden joeren kontrola nabarmen daitezke, besteak beste.

Berrikitan, Bizkaiko Teknologia Parkean kokatuta dagoen enpresa aeronautikoak Indiako bere joint venture-an kontrolatzen ez zuen % 66aren erosketa formalizatu du.

Konpainiaren nazioarteko posizionamendua indartzen lagunduko duen lantegi horrek hegazkin-motorretako hodi zurrunetarako “end-fittings” edo errakorrak baino ez ditu ekoizten.

Erlazionatutako artikuluak
Orobat interesa dakizuke