Euskal enpresak A350 Airbus berrian parte hartzen ari dira

2015ko Urtarrila 05,

imagen spri tecnología

Airbusek fuselaje zabaleko bere hegazkin berria ekoizten hasteko fasea abiarazi du, euskal enpresen ordezkaritza zabal baten laguntzaz.


Abenduaren 22an, Qatar Airways konpainiak Airbus-en lehen A350 XWB hegakina bereganatu zuen. Hegazkin berriak aeronautikaren eta material aurreratuen arloko azken diseinuak biltzen ditu, baita %53an konpositez eginda dagoen egitura, eta erregai-kontsumoa %25 murriztu eta gas-isurketak gutxitzea ahalbidetuko duen Rolls-Royce Trent XWB motor berri eta eraginkorra ere.

Hegan Euskadiko Aeronautika eta Espazioaren Klusterrari atxikitako 32 erakundek – Aciturri, Aernnova, Alestis eta ITP tier-1ak barne- parte-hartze aktiboa izan dute, urtarrilaren erdialdean Doha-ko (Qatar) eta Frankfurteko aireportuen artean joan-etorrian hasiko den Airbusen hegazkin berri honen garapenean. Proiektu honek euskal enpresen posizionamendua indartzen du, eta arriskuko bazkide bezala eta ingeniaritza, zerbitzu eta osagaien hornitzaile gisa lan-pakete handiak eskaintzeko gai direla frogatzen du.

Airbusek modelo berri honen 778 eskari jaso ditu guztira, horietako 80 Qatar Airways-ek kontratatutakoak. Oro har, Heganeko tier-1 enpresek, lau urtetan, A350 XWB proiektua garatzeko ingeniaritza-lanen eta industria-instalazioen abiaratze faseetan, 700 milioi euro inguruko inbertsioa egin dutela kalkulatu da.

Bestalde, hegazkinerako lan-pakete handi horiek 4.000 lanposturen sorrera eta 10.000 euro baino gehiagoko fakturazioa ekarriko dute programaren bizitza-ziklo osoan.

Era berean, trakzio-efektua eragingo diote industria laguntzaileari, izan ere, Hegani atxikitako erakundeen %75ek programa honetan lan egiten baitute, Airbuserako zuzen-zuzenean nahiz Estatuko edo atzerriko lehen mailako hornitzaileen bitartez.

Erlazionatutako artikuluak
Orobat interesa dakizuke