BioCruces-ek Duchenne-ren distrofia muskularraren aurkako ikerketa-proiektua abiarazi du

2016ko Urtarrila 18,

Spri_innovación_Biocruces
Proiektuak edizio genikoko terapia aurreratu bat erabiliko du

Gurutzetako Unibertsitate Ospitaleko BioCruces Osasun arloko Ikerketa Institutuak edizio geniko aurreratuko proiektu bat abiarazi du, Duchenne-ren distrofia muskularraren aurkako terapien ikerketa hobetzeko asmoz.

Ekimenak Carlos III Institutuaren eta Eskualde-Garapenerako Europar Funtsaren (FEDER) finantzaketa izan du, eta edozein zelularen genoma doitasun handiz manipulatu eta artezteko erabili daitekeen CRISPR/Cas teknologia aurreratuaren aplikazioan oinarritu da.

Genetikaren arloko “ebaki-itsatsi” edota “DNAren artaziak” izengoitiez ezagutzen den CRISPR/Cas teknika hau 2015. urteko aurkikuntza nagusitzat jo du “Science” aldizkari ospetsuak.

“Edizio genetiko aurreratua Duchenne-ren distrofia muskularraren tratamendurako” deritzon proiektuak hiru urteko iraupena izango du, eta pazienteen nahiz animalien kulturak erabiliko ditu, fase klinikorako igaroaldia eraginkorragoa izan dadin.

Ekimena BioCruces Institutuko Gaixotasun Neuromuskularren Taldeak gauzatuko du, distrofina izeneko proteinaren defizitak eragindako gaixotasunaren tratamenduan aurrera egiteko asmoz.

Diagnostikoa 3-4 urteko adinean egin ohi da. Pazieteek nekea, ahultasun muskularra, korrika egiteko zailtasunak eta maizko erorikoak izan ohi dituzte. Gaixoek ibiltzeko gaitasuna galdu ohi dute 12 urte inguru dituztela, eta bizi-itxaropena 20-30 urte ingurukoa izan ohi da, arnasketako eta bihotzeko arazoen eraginez.

Erlazionatutako artikuluak
Orobat interesa dakizuke