“Startup Chile” azeleragailuak Emerid aukeratu du

Emerid, NFC teknologia erabiliz larrialdi egoerak identifikatzen dituen sistema bat da. Arropan eta zenbait objektutan integratu daitekeen txip bat da, aukera ematen diona Smartphone-ari bere baitako informaziora sartzeko eta Contactless (NFC) teknologia baliatzen duena informazio medikoa, pertsonala edo harremanetarako informazioa transmititzeko. Gainera, badu botoi bat larrialdiei zuzenean abisatzeko edo erabiltzailea non dagoen adierazteko, bateria edo aplikazioen premiarik gabe.

Informazio hori guztia enkriptatuta egongo da datuen segurtasuna bermatzeko, eta erabiltzaileak bakarrik alda dezake aktibazio-pasahitzak erabilita. Near Field Communication (NFC) teknologia ez da berria merkatuan; smartphone gehienek badakarte dagoeneko, eta gero eta erabilgarritasun gehiago ditu. Adibidez, teknologia horri esker irekitzen ditugu hoteletako ateak, NFCrekin sartzen gara garraio publikoan, eta horixe erabiltzen dugu smartphone-a irakurgailu batera hurbilduz ordainketak egiteko.

Emerid-eko lantaldeak ongi ezagutzen du teknologia hori, eta probetxua ateratzen ari zaio: “Bere momentu gorenean ezagutu dugu eta dagoeneko ongi frogatu du zein eraginkorra den, gainera, potentzial handia duenez, badakigu gero eta erabilgarritasun gehiago izango dituela. Hain zuzen, Apple enpresak teknologia horren aldeko apustua egin du, eta joan den irailetik iPhone 7 gailuaz geroztik egin dituen dispositibo guztietan integratu du” diote enpresako arduradunek. Emerid-ek Getxoko Udalaren “Wanted” enpresa-ideien lehiaketa irabazi zuen, eta horri esker eman zituen bere lehen urratsak.

Oraintsu jakin dute “Startup Chile” azeleragailuak (Latinoamerikako garrantzitsuena eta munduko ezagunenetako bat) beren proiektua aukeratu duela eta, beraz, Seed programaren XX. belaunaldiko kide bihurtuko direla. Azeleragailu horretan 7 hilabeteko prestakuntza jasoko dute adituekin eta mundu osoko beste startup batzuekin batera. Esperientziak eta ikaskuntzak partekatuko dituzte eta laguntza ekonomikoa ere jasoko dute Latinoamerikako merkatuan sartzeko eta beren negozioa Txilen garatzen jarraitzeko.

Emerid System enpresak aukera hau aprobetxatu nahi du eskerrak emateko Getxoko Udalari, SPRI Taldeari eta Beaz Bizkaia, Innolab, La Ocean Tech eta Zitek UPV/EHU erakundeei, proiektua garatzeko jaso duten eta jasotzen ari diren laguntzagatik, guztiek kolaboratu baitute gazte ekintzaile hauek hazten jarrai dezaten, eta Emerid identifikazio sistemarekin konponbideak eman diezazkieten munduan egunero gertatzen diren egoerei.

info+: www.emerid.com

Lotutako albisteak

25 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

24 apirila, 2024 Ekintzailetza

“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

23 apirila, 2024 Ekintzailetza

Brandfy, markak diseinatzeko prozesua birdefinitzen duen Adimen Artifizial Sortzaile tresna

Irakurri gehiago

22 apirila, 2024 Ekintzailetza

Absentixek lan-absentismoaren kostuak murrizten ditu, enpresen lehiakortasuna eta produktibitatea handitzeko

Irakurri gehiago

Joan blog-era