Ikerketa batek, hizkuntza garunean antolatzeko printzipio unibertsal bat existitzen dela ezagutzera eman du

1 December, 2015

Basque Center on Cognition, Brain and Language-k (BCBL) parte hartu duen nazioarteko ikerketa batek, hizkuntza desberdinak darabilten garunek, irakurritako nahiz entzundako hizkuntza deszifratzeko area komunak aktibatzen dituztela ondorioztatu du.

Ikerketa, gaztelaniaz, hebreeraz, txineraz eta ingelesez hitz egiten zuten hiztunekin egin da, guztiak ere oso hizkuntza desberdinak beren artean; hori dela eta zientzialariek “garun- antolakuntzako printzipio unibertsala dela” ondorioztatu dute, BCBLko ikertzaile eta ikerketako egile Kepa Paz-Alonsok adierazi duen bezala.

Yaleko Unibertsitateak (AEB), Jerusalemeko Hebrew Unibertsitateak (Israel) eta Taipeiko National Yang-Ming Unibertsitateak (Taiwan) ere parte hartu duten ikerketak, area komunak hitzak irakurtzean eta entzutean aktibatzen direla azaldu du, nahiz eta testu bat irakurtzean edo ahots bat entzutean, estimulu horiek zentzumen desberdinen bitartez hauteman ( ikusmena eta entzumena, hurrenez hurren).

Proceedings of the National Academy of Sciences (PNAS) iparramerikar aldizkari ospetsuan argitaratutako lanak 84 boluntarioren garunak, 21 hizkuntza bakoitzeko, ikertu ditu.

Zenbait hitz irakurri edo entzuteko agintzen zitzaien bitartean, eginkizun zehatz batean inplikatutako garun-aldeak behatzeko aukera ematen duen erresonantzia magnetiko funtzionala deritzon teknika baten bitartez, beren garun- jarduera aztertu zen.

“Beraien artean hain desberdinak diren hizkuntzak aukeratu genituen, horrela, hizkuntza bakoitzean irakurtzeko eta ahozko hizkuntza ulertzeko modua, informazio hori prozesatzeko arduratzen diren garun- sareen terminoetan antzekotasun gehiago edo gutxiago dituen ikusteko aukera genuelako” azaldu du Paz-Alonsok.

 

Erlazionatutako artikuluak

Orobat interesa dakizuke

View all arrow